اسلام آباد۔2اگست (اے پی پی): وزیر ءِ درئی کار مخدوم شاہ محمود قریشی ءِ سروکی ءَ پبلک ڈپلومیسی ءِ ھوالگ ءَ ارزشتی ایں دیوان ءِ دو شمبے ءَ وزارت ءِ درئی کار ءَ برجم دارگ بوت۔ دیوان ءَ وزارت ءِ اھوالکاری ءُ شنگ کاری ءِ ایکسٹرنل پبلسٹی ونگ ءِ ڈائریکٹر جنرل امبرین جان، ڈی جی آئی ایس پی آر ءُ وزارت ءِ درئی کار ءِ کلانہ ایں اپسرگ آں بھر زوری کت۔ دیوان ءِ مول ءُ مراد راجی بن گپ ءُ لیکہ آنی شنگ ءُ تالانی ءِ واستہ وزارت آنی وت مہ وتی کمک آنی دیمروئی ءَ را دل یکیمی جوڑ کنگ ءُ ارزشتی ایں کار آنی سر ءَ راجی لیکہ آنی راجی ءُ میاں اوستمانی تک ءَ شنگ ءُ تالانی ءِ واستہ گامگیج کنگ بوتگ۔ دیوان ءَ وزارت آنی وت مہ وتی کمک آناں دیمروئی ءِ واستہ جتا جتائیں وزارت آنی نیمگ ءَ دیم ءَ سہرا بوتگیں شور ءُ مشور آنی سر ءَ چار ءُ تپاسی گرگ بوت۔
