اسلام آباد۔ 02اگست (اے پی پی) پارلیمانی کشمیر کمیٹی نا چیئرمین شہریار آفریدی پارینے کہ بھارتی سازش آتیان پد ہم کشمیر پریمیئر لیگ تینا شیڈول نا رداٹ مریک، سری لنکن بے باز تلکارتنے دلشان و پروٹیزبلے باز ہرشل گبز لیگ اینو سے شنبے آ پاکستان آ سرمریرہ۔ انٹرنیشنل کرکٹ کونسل(آئی سی سی) نا بھارت ءِ کشمیر پریمیئر لیگ آ پیدوار ورندی ملا۔ آئی سی سی نا ہندوتوا حکومت ءِ پیدوار ورندی بھارت نا سفارتی پڑآ اسہ پین بے سہبی اسے، بھارتی سازش آتیان پد ہم کشمیر پریمیئر لیگ تینا شیڈول نا رداٹ مریک، کشمیر پریمیئر لیگ کشمیری ورناتے جہانی کہول آ تینا لائخی تے تالان کننگ نا موقع فراوان کیک۔ دوشنبے نادے آ تینا بیان اٹی چیئرمین کشمیر کمیٹی شہریارخان آفریدی پارے کہ جہانی گوازی گر ہرشل گبز و تلکر تنے دلشان کشمیر پریمیئر لیگ اٹ بشخ ہلنگ کن سے شنبے نادے آ پاکستان آ سرمریرہ۔ ہڑتوم آ گوازی گر و اوفتا کرکٹ بورڈز و حکومت آتے کرکٹ ءِ سپورٹ کننگ آ خراج تحسین پیش کینہ۔ اومیت ءِ کہ پاکستان کرکٹ بورڈ زوت فخرزمان، شاداب، عثمان قادر، امام الحق و محمد حسنین ءِ کشمیر پریمیئر لیگ اٹ گوازی کننگ کن این اوسی جاری کیک۔
