اسلام آباد۔ 02اگست (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ نیب تدوک آ مسہ سال اٹی نئے بیرہ اشرافیہ و بھلا مچھی تے اولیکو دزگیر کرے بلکن 470کرپشن ریفرنس دائر کرے۔ دوشنبے نادے آ تینا ٹویٹ اٹی اوپارے کہ پی ٹی آئی دور اٹی متحرک و نرزور سرکڑدہ ئی ٹی ریاستی ادارہ غاتے پیدوار و سوگو مخ تفی، حوصلہ افزائی نا سوب آن نیب نئے بیرہ اشرافیہ و بھلا مچھی تے اولیکو وار دزگیر کرے بلکن 3 سال اٹی 740کرپشن ریفرنس دائر کرے۔ اوپارے کہ داسہ ہم اوفتیان بھازانگاک ضمانت آتا پد اٹ اودیم ءُ اوکان پد ہم 3سال اٹی بھلو مچھی تیان 502ارب روپئی وصول کرے وخت اس کہ 2000آن 2016اسکان نیب 266 ارب روپئی وصول کریسس۔ اوپارے کہ نیب پی ٹی آئی حکومت نا دور اٹی متحرک، دیانت دار، ساف ستھرا، قابل و نرزور سرکڑدہ ئی ٹی زبردست کاریم کرے و نتیجہ قوم انا مون آٹی ءِ۔ نن نما گچین است بڈی، سپورٹ و بڑزکو کہول آ نیب انا کارکڑد ءِ تالان کننگ آ بھاز منت وار اُن۔ اوپارے کہ نیب انا تدوک آ 3سال انا کارکڑد، اچیومنٹس، ساڑی آ حکومت نا کنڈآن کرپشن نا برخلاف زیروٹالرنس، سیاسی نیام تمپننگ و پورو سپورٹ فراوان کننگ آ منت واری ءِ ہرفنہ، بلاشبہ نیب ءِ آجوئی اٹ کاریم کننگ کن ہلنگ آ داادارہ نا کارکڑد غٹ انا مون آٹے۔ اسہ پین ٹویٹ اسے ٹی اوپارے کہ اِلہ نا بیان داحداسکان راست ءِ کہ او استیفہ تتو ولے ہراتم پاکستان اٹ ساڑی اسہ سانگ بند اس آپا و اونا نیام اٹ صلح کننگ کن ثالثی نا کوشست کرے تو اِلہ پارے کہ اونا کرینگ تروک آ بیانیہ کنے و کنا مارتے زندان آ سرکرسا سیاست آن کشنگ نا سازش اسے، نن داسہ داوڑ مننگ کن الیپنہ۔
