اسلام آباد۔ 02اگست (اے پی پی) ای کامرس پوریاگر آتا بینک آتون رجسٹریشن اٹی تدوک آ مسہ سال اٹی 147درسد ودکی مسنے۔ اسٹیٹ بینک آف پاکستان نا حساب وکتاب نا رداٹ مارچ 2018ء نا ایسرآ بینک آتون رجسٹرڈ ای کامرس پوریاگرآتا کچ 1023ئس ولے مارچ 2021ء نا ایسر آ بینک آتون رجسٹرڈ ای کامرس پوریاگرآتا کچ 2523اسکان ودا۔ ہنداوڑ تدوک آ مسہ سال انا گونڈ ءُ وخت اسے ٹی ای کامرس پوریاگر آتا بینک آتون رجسٹریشن اٹ 1500یعنی 146.62درسد نمان ودکی ریکارڈ کننگانے۔ حوال نا رداٹ جون 2018ء نا ایسر آ ای کامرس رجسٹرڈ پوریاگرآتا کچ 1049وخت اس کہ ستمبر 2018ء نا ایسر آ 1242اسکان ودا۔ دسمبر 2018ء نا ایسر آ دا کچ 1186اسکان کم مسوسس و تدوک آ مسہ سال اٹی بیرہ اکتوبر آن دسمبر 2018ء نا سہ ماہی ٹی کمتی واقع مس اوکان پد ای کامرس پوریاگرآتا رجسٹریشن اٹ پدریسہ ودکی نا رجحان مسنے۔ مارچ 2019ء نا ایسر آ ای کامرس رجسٹرڈ پوریاگرآتا کچ 1398وخت اس کہ جون 2019ء نا ایسر آ 1362و ستمبر 2019ء نا ایسر آ 1410مسوسس ودسمبر 2019نا ایسر آ 1481ریکارڈ کننگا۔ ہنداوڑ سال 2020ء نا اولیکو سہ ماہی نا ایسر آ دا کچ 1559،م ارٹ میکو سہ ماہی نا ایسر اٹ 1707، مسٹ میکو سہ ماہی نا ایسر آ 2164و چارمیکو سہ ماہی نا پوروی آ 2411اسکان سرمس۔ یات سلے کہ مارچ 2021ء نا ایسر آ بینک آتون رجسٹرڈ ای کامرس پوریاگرآتا کچ 2523اسکان وداسس۔
