اسلام آباد۔2اگست (اے پی پی): بلوچ انٹرنیشنل کانگریس ٹرسٹ ءِ بنجاہی سروک ءُ بلوچستان کابینہ ءِ گندءُنندی دیوان گوستگیں روچءَ ما ں کوئٹہ ءَ بلوچ انٹرنیشنل کانگریس ءِ صدر بانک دُرچین مری ءِ سروکی ءَ بوتگ۔ دیوان ءَ 14 اگست ءِ ہوالگ ءَ سینئر سروکانی شورءُ صلہ سرءُ سوج زورگ بوتگ اَنت کہ 14 اگست ءَ را ہمک ڈویژن ءِ ھساب ءَ گوازینگ بیت۔ ایشی ءَ ابید دیوان ءِ باسکاں بنجاہی سروکانی شکر ءُ منت گپتگ کہ آیاں مارا وہد داتگ ءُ مئے جیڑ ہ ءُ جنجال گوشداشتگ ءُ آیاناں گیش ء ُگیوار ہم کتگ۔ بانک دُرچین مری ءَ گشتگ کہ مئے بلوچ انٹرنیشنل کانگریس ٹرسٹ سرجمیں کیبنیٹ وتی زالبولاناں باز شرپ ءُ عزت دنت ءُ گوں آیاں ہمراہ داری کنت۔ ایشی ءَ ابید آئی ءَ گشتگ کہ ہما زالبول کہ آئی ءَ را آئی ءِ عہد گ ءَ چہ گیش دیمروئی دیئگ بوتگ بی آئی سی ٹی آئی ءَ را مراد بات دنت ء ُ نیکیں واہگانی درشانی ءَ کنگ۔ آئی ءَ گشتگ کہ بلوچ انٹرنیشنل کانگریس ٹرسٹ گوں وتی ہمک باسک ءِ ہمراہ داری ءَ کنت ء ُ آئی ءِ دیمپانی ءَ کنت۔ گند ءُ نندی دیوان ءَ بلوچ انٹرنیشنل کانگریس ٹرسٹ ءِ جنرل سیکرٹری اینڈ وائس پریزیڈنٹ میرنصراللہ مری، صدر بانک دُرچین مری، بانک شاہین علیزئی، بانک صفیہ بلوچ، بانک ماہ نور بلوچ، الطاف زہری، گل حسن مگسی، ڈاکٹر فضل کمالانی، ضمیر حسین ، وزیر حسنی، ڈاکٹر شہزاد مری، مولانا یعقوب ساسولی ءُ طاہر مری ہوار بوتگ اَنت۔
