اسلام آباد۔1اگست (اے پی پی):وزیر ءِ مملکت اھوالکاری ءُ شنگ کاری فرخ حبیب ءَ گوشت کہ ورلڈ پاپولیشن ریویو ءَ سرجمیں دگنیا ءَ پُچ ءُ پوشاک ءُ نندگ ءِ ھرچ ءُ درچ (کاسٹ آف لیونگ) ءِ ھوالگ ءَ وتی ھمیک سالی رپوٹ 2021 جاڑی کتگ، ایشی ءِ تہ ءَ پاکستان ءَ را سستا تریں ملک نامینتگ، 22 کروڑ 51 لکھ 99 ہزار 937 آباتی ءِ گوما پاکستان ءَ کاست آف لیونگ 18.58 انت،3کروڑ 98لکھ 35ہزار 428آباتی ءِ گوما اوگانستان ءَ کاسٹ آف لیونگ 24.51، انڈیا ءَ یک ارب 39کروڑ34لکھ 9ہزار 38 ءِ آباتی ءِ گوما کسٹ آف لیونگ 25.14 انت۔ یک شمبے ءِ روچ ءَ وتی ٹویٹ ءَ آئی ءَ گوشت کہ ازبکستان ءَ کاسٹ آف لیونگ 30.25، نیپال 30.69،نائیجریا 31.75،ویتنام 38.72، ملائیشا 39.46،برازیل ءَ 42.6 انت۔ وزیر ءِ مملکت اھوالکاری ءُ شنگ کاری ءَ گوشت کہ میاں اوستمانی ادارگ ءَ ھمک ملک ءِ رینٹ انڈیکس، ھندی راجی بھا ءُ سیم، کنزیومر پرائس انڈیکس ءُ گروسری انڈیکس ءِ رد ءَ ا ے رپوٹ تیار کتگ۔
