لاہور۔1اگست (اے پی پی): کجام ھم ملک ءِ دیمروئی ءِ ایوکیں گیواری ٹوھیں ءُ مھیکمیں معاشی محکمی ءِ سرءَ اِنت، کوویڈ 19 ءَ میاں اوستمانی ءُ اوستمانی معیشت ءِ سرءَ ناوشیں اثر دور داتگ، کروڑاں مردم اے ہوپ ءِ آماچ بوتگ اَنت، پاکستان ءَ حکومت ءِ جوانیں رھبند ءُ پہ وقت کتگیں چِن ءُ لانچ ءُ حاس صںعتی پڑاں مٹ ءُ بدلی گامگیج ءِ سوب ءَ معیشت محکمی ءِ نیمگ ء رہادگ اِنت، قائد ءِ شہر کراچی ءَ پد ملک ءِ درستاں چہ مستریں بیپاری بُنجاہ لاہور اِنت ، انوگیں حکومت ءِ فوکس انسان ءِ سرءَ انوسٹمنٹ اِنت کہ ایشی ءِ سبوت اُلسی پلاح ءُ گہبود ءِ میگامنصوبہ آں ہوار ورناہ آناں پہ روزگار ءِ ھاترءَ بے سوت وام دیئگ ءِ پروگرام ، احساس پروگرام، ٹیکسٹائل سیکٹر ءَ ہوار تعمیراتی پیکیج ءَ ہوار ایندگہ گامگیج ہوار اَنت۔
ایشی ءَ ابید پنجاپ ءَ تجارتی چست ءُ ایر آناں سرجم کنگ ءِ رد ءَ والٹن ائر پورٹ ءِ ھند ءَ تجارتی شہر جوڑ کنگ ءِ منصوبگ جوڑ کنگ بوتگ ایشی ءِ واستہ سنٹرل بزنس ڈسٹرکٹ اتھارٹی ءِ جوڑیشت کنگ بوتگ، سنٹرل نزنس ڈسٹرکٹ ملک ءِ اولی ٹوھ ٹوھیں ماڑی آنی جوڑ کنگ ءِ منصوبگ انت ادا ھمک جاہ ءِ ” گرین کور” گون بیت ادا پاکستان ءِ جوڑیشت ءَ چہ پد لڈ ءُ بار کنوکیں مردم آنی یات ءَ “باب پاکستان ءِ نام ءَ ماڑی ھم جوڑ کنگ بیت ایدشی ءِ جتا جتائیں کارنر آں چہ کشک جوڑ کنگ بیت اے رد ءَ اے منصوبگ مئے کوھنیں دود ءُ ربیدگ ءَ را زندگ کنگ ءِ یک ٹوھیں چیدگ ات۔
منصوبگ ءِ رد ءَ پنجاپ حکومت، سول ایوی ایشن ، ریلوے ءِ کساس 140 ایکٹر زمین ءِ سر ءَ ٹوھیں ٹوھیں تجارتی شہر جوڑی کنگ بیت ایش باز ڈولدار بنت ءُ ایشانی انفرانسٹرکچر ءِ سر ءَ 15 ارب ءَ چہ گیش کساس ھرچ ءُ درچ بیت۔ پبلک پرائیوٹ پارٹنرزشپ ءِ چیر دستی ءَ دیمروئی کنوکیں اے منصوبگ آنی تہ ءَ سرکاری ھزانگ ءَ چہ یک کلدار ءِ ھم ھرچ نہ بیت، سی بی ڈی اتھارٹی وتی ملکیتی 5 ٹوھیں پلاٹ آںی بھار ءَ چہ وتی ھرچ ءُ درچ ءَ چلائین ایت ءُ انفرانسٹرکچر ءَ را جوڑیشت کنگ بیت اے منصوبگ ءِ سرجمی ءَ چہ پد بوھوکیں آمدن ءِ ٹوھیں بھر پنجاپ حکومت، سول ایوی ایشن اتھارٹی ءُ ریلوے ءَ دیگ بیت۔ سنٹرل بزنس ڈسٹرکٹ منصوبگ ءَ کساس 80 ءَ چہ 100 ٹوھیں کمرشل، ڈیجیٹل ءُ نندگی ماڑی جوڑ بنت، ماسٹر پلان آںی منظوری ءَ چہ پد، “گرین کور” ءِ واستہ 10 ہزار ءَ چہ گیش درچک کشگ بیت، گوزوکیں سال اگست ءِ گڈ ءَ اے منصوبگ ءِ دیمروئی کار آنی بندات کنگ بیت۔
چیف ایگزیکٹو آفیسر لاہور سنٹرل بزنس ڈسٹرکٹ ڈویلپمنٹ اتھارٹی عمران امین ءَ اے پی پی ءَ را گوشت کہ مزن وزیر عمران خان ءِ وژن ءِ سر ءَ لاہور ءِ اولی جوڑ بوھوکیں تجارتی شہر سی بی ڈی اے ءَ نا ایوک ئَ میاں اوستمانی کد ءُ بالاد ءِ آسراتی آناں ٹوھیں ماڑی والا ایں پوائنٹ رسیت بلکینگ ءَ بے روزگاری ءِ ھلاسی ءَ یک ٹوھیں تجارتی آشوب ءِ سہرا بیت۔
آئی ایم ایف ءَ زوتاں پیسر اوست کتگیں “کساد بازاری” ءِ بابت ءَ 2009 ءِ رد ءَ بازیں ترس ءُ بیم سہرا کتگ وھدیکہ انٹرنیشنل لیبر آرگنائزیشن ءَ اے گپ ءِ اندازگ جتگ کہ سرجمیں دگنیا ءَ دیمروئی کنوکیں پشت کپتگیں ملک آنی تہ ءَ اے روزگار ءِ امیت گیش بوھگ ءَ انت ءُ میاں اوستمانی صنعتی لیبر ورک فورس ءِ کساس نیم بھر وتی روزی ءِ کماھنگ ءِ بیم ءَ گوں دچار کپتگ انت ءُ آماچ انت۔ ایشی ءَ ابید یونائیٹڈ نیشن ءِ سیکرٹری جنرل ءَ ھم اے گپ ءِ زور پر داتگ کہ کوویڈ -19 ءِ ھوپ ءَ چہ در کپگ ھمک ملک ءِ مھکمیں معیشت ءِ واستہ المی انت۔ اے رد ءَ دگنیا ءَ را نوکیں مھکمیں دیمروئی ءِ کشک ءَ آرگ ءِ واستہ گامگیج آناں گیش ترند کنگ لوٹ ایت تانکہ میاں اوستمانی معیشت آیوکیں باندات ءَ اے رنگیں ڈکالی ءَ چہ بہ رکھ ایت۔
ھمے رنگ ءَ صنعتی پیداوار ءَ پینگ آنی گوما میاں اوستمانی تک ءَ سکیں معاشی ءُ مالی جیڈھ گون انت ایش یک شل ءَ کوویڈ 19 ءِ ھوپ ءَ گوں بندوک انت، سامان آنی نیاد، ایشانی رکھینگ ءُ مالیاتی منڈی آنی تہ ءَ جھل ءُ برزی ھما کار ھماواں کہ پیسر ءَ چہ ھرابیں معاشی نمبوگ آنی تہ ءَ تاوان رستگ، نوں دیمروئی کنوکیں ملک زر جوڑ کنگ کار رپک ءَ مٹ ءُ بدلی آرگ ءَ انت ءُ آ وتی جدیدیں شہر آناں بلدکار ءُ سرمایہ کاری ءِ واستہ لائک جوڑ کنگ ءَ انت ءُ جی ڈی پی ءِ کساس 80 درسد پیدساک کنان ءَ دگنیا ءَ ءِ ٹوھیں دیمروئی ءِ انجن جوڑ بوتگ انت۔ پدا ھم دومی نیمگ ءَ پاکستان ءِ لاہور ءُ کراچی وڑیں رشیں آباتی شہری آنی تہ ءَ ٹوھیں جیڈھ آنی گوما دیم پہ دیمی انت۔
مزن وزیر عمران خان ءَ سکیں ساھت ءَ راجی معیشت ءَ را گر ءُ دار کتگ ءُ جتا جتائٰں میگا پراجیکٹس آنی وسیلگ ءَ ایشرا زندگ کتگ، جتا جتائیں دیمروئی منصوبگ ملکی راجدپتر ءَ اولی رند ءَ بندات کنگ بوتگ انت۔ والٹن ائیر پورٹ سنٹرل بزنس ڈسٹرکٹ منصوبگ ھم ھمیش آنی تہ ءَ یک اتک ایش آمدنی ءِ کٹ کنگ ءَ کمک کنت ءُ اے آمدنی ڈلگچار کتگیں شوبگ آنی دیمروئی ءَ ھرچ کنگ بنت۔
کاشف اشفاق ءَ گوشت کہ حکومت گیر ملک ءُ ھندی سرمایہ کار آناں صنعتی پیداور ءَ را گیش کنگ ءُ راجی معیشت ءَ را مھکم جوڑ کنگ ءِ واستہ آسراتی ءِ گہتریں پیکیج پجاری کنگ ءِ واستہ سرجمیں رنگ ءَ جزمیگ انت۔ آئی ءَ گوشت کہ پاکستان تحریک انصاف ءَ اے صنعتی یونٹ آنی لوٹ کنگ ءِ واستہ پیسر ءَ چہ 50 میگاواٹ گرڈ سٹیشن ءُ 40 ایم ایم سی ایف گیس ءِ پجاری ءِ منظوری داتگ۔ پنجاپ پراونشل ڈویلپمنٹ ورکنگ پارٹی ءَ انوں زوتاں جتا جتائیں شوبگ آنی تہ ءَ 9149.376 ملین کلدار ءِ کساس ءَ پنچ دیمروئی سکیم آنی منظوری داتگ۔
(OAB)
