اسلام آباد۔1اگست (اے پی پی): مزن وزیر عمران خان ءِ جیواکنامک وژن ءِ رد ءَ ایمنیں اوگانستان ءِ وسیلگ ءَ نیامی ایشیا ءَ دیمروئی کنوک انت۔ پاکستان نیامی ایشیا ءِ ملک آں چہ معاشی رابطہ آنی برجائی ءِ وسیلگ ءَ دیمروئی ءِ نوکیں سیم سر گیشینگ ءَ انت ءُ ایمنیں اوگانستان ءِ وسیلگ ءَ دمگ ءِ وشھالی ءِ کشک ءَ رھادگ انت۔ مزن 2وزیر عمران خان ءِ جیو اسٹریٹیجک ءَ گوں جیو اکنامک پالیشی آنی وژن ءِ مٹ ءُ بدلی ءِ نتیجگ ءَ پاکستان دیمروئی ءِ کشکگ ءَ رھادگ انت ایشی ءِ نتیجگ ءَ دمگی رابطہ آنی دیمروئی ءُ وشھالی ءِ توامیں موہ آں چہ سیت چست کنگ بوھگ ءَ انت۔ بنجاھی حکومت ازبکستان، تاجکستان , ترکمانستان، قزغستان، ءُ قزاقستان ءِ وڑیں پنچ لینڈ لاک ملک آں چہ دمگ ءِ رابطہ آنی دیمروئی ءَ ھاسیں دلگوشی دیگ ءَ انت ایشی ءِ سبب ءَ آیوکیں باندات ءَ زوتاں ٹوھیں معاشی مٹ ءُ بدلی گندگ بیت پدا ھم دیمروئی ءِ کشک ءَ ایمنیں اوگانستان ءَ گوں بندوک انت چیا کہ وشھالی ءِ وژن ءَ گواچنی سیت اوگانستان ءَ ایمنی ءَ گوں بندوک انت۔
مزن وزیر عمران خان ءَ جتا جتائیں موہ آنی تہ ءَ اے گپ ءَ را سہرا کت کہ پاکستان وتی جوانیں سیت آنی در جنگ ءِ واستہ اگانستان ءَ ایمنی ءِ ھوالگ ءَ درستاں چہ گیش واھگ داروکیں ملک انت۔ پاکستان ، اوگانستان ءَ اینی ءِ واھشت مند انت چیا کہ پاکستان ءِ معاشی گامگیج ایشی ءَ گوں بندوک انت، مزن وزیر ءَ انوں زوتاں پاکستان ءِ تر ءُ تاب کنوکیں اوگان اھوالکار آنی ڈل ءَ گوں تران کنان ءَ گوشتگ کہ یک ایمنیں اوگانستان پاکستان ءِ نیامی ایشیائی ملک آنی گوما تجارت ءِ دیمروئی ءِ واستہ ارزشتی انت ءُ ایشی ءَ چہ اوگانستان پاکستان ءَ گوادر ءِ دکہ ءَ چہ ھم سیت چست کت کنت۔ آئی ءَ گوشت کہ 2 فروری 2021 ءَ پاکستان، ازبکستان ءُ اوگانستان ءَ کابل ءِ کشک ءَ مزار شریف تا پشاور 573 کلو میٹر دراجیں کشک ءِ جوڑ کنگ ءِ سر ءَ تپاک کنگ بوتگ۔ اے منصوبگ ءِ سر ءَ ھرچ ءُ درچ ءِ کساس 5 ارب ڈالر کیت ایشی ءِ سرجم بوھگ ءَ چہ ازبکستان ءِ واستہ پاکستانی ءُ بحیرہ عرب ءِ دکہ ءَ تاں روگ ءُ آیگ ءَ آسانی بیت ءُ اوگانستان ھم یک شل ءَ نیامی ایشیا معاشی نظام ءَ گوں بندوک بیت۔ نوکیں کاریڈور ءِ جوڑیشت ءَ چہ دمگ ءِ رابطہ آنی تہ ءَ گہتری ءَ ابید 20 ملین ٹن کارگو ءِ ءِ ھمک سل بر ءُ آر ھم کنگ بوت کنت۔
مزن وزیر عمران خان ءُ ازبک صدر شوکت مزار یوف ءَ 14 اپریل 2021 ءَ یک ورچوئل میٹنگ ءِ ساھت ءَ ترمیز، مزار شریف، کابل، پشاور ، ریلوے لائن ءِ جوڑیت ءِ حمایت ھم کتگ بوتگ ءُ اے گامگیج ءَ چہ نیامی ایشیا ءِ ملک آں پاکستان ءِ کراچی، گوادر ءُ پورٹ قاسم ءِ دکہ ءِ وسیلگ ءَ بحیرہ عرب ءَ تاں رسائی ءَ را گیش کنگ بوت کنت، جولائی ءَ وتی استیں ازبکستان ءِ تر ءُ تاب ءِ موہ ءَ عمران خان ء۔ گوشتگ بوتگ کہ وت مہ وتی رابطہ آنی تہ ءَ گیشی ءِ بنیات ءَ پاکستان دمگی ملک آںی گوما تجارتی یکوئی آنی دیمروئی ءَ را بنیاتی ارزشت دنت۔
آئی ءَ ٹرانس اوگان ریلوے پراجیکٹ ءَ را پاکستان ءُ ازبکستان ءِ واستہ سک مزنیں ارزشتی ایں منصوبگ ءِ نامینتگ ءُ گوشتگ کہ اے منصوبگ ءِ سرجمی ءَ چہ پاکستان ءَ را نیامی ایشیا ءِ ٹوھیں ملک ازبکستان ءَ ھوار ایندگر ریاست آں گوں معاشی ءُ تجارتی رابطہ آنی تہ ءَ گیشی بیت۔ آئی ءَ گوشت کہ دمگی رابطہ آنی تہ ءَ گیشی ءَ چہ نیامی ایشیا ءِ ملک سی پیک منصوبگ ءَ چہ گیشاں چہ گیش سیت چست کت کناں ءُ ٹرانسپورٹ، فائبر آپٹکس کیبل، انرجی پائپ لائنز ءُ ھاسیں اقتصادی زونز آنی تہ ءَ سرمایہ کاری ءِ منصوبگ آں چہ سیت چست کت کناں۔
آئی ءَ گوشت کہ دمگ ءِ ایمنی ءُ دمگی رابطہ آنی تہ ءَ گیشی ءَ چہ جیو اکنامک گامگیج آنی یک ارزشتی ایں بھر ات۔ کلانہ آں اے دل یکیمی ءِ درشان کتگ کہ زربارئی ایشیا ءِ ملک پاکستان نیامی ایشیا ملک آں ابید ایندگر ملک آنی گوما وت مہ وتی رابطہ آنی دیمروئی ءِ واستہ ترندیں ءُ ٹوھیں ءُ پزوریں گامگیج کنگ ءَ انت۔
