اسلام آباد۔1اگست (اے پی پی): مزن وزیر عمران خان ءَ گوشت کہ پاکستان ءَ کورونا ءِ چارمی فیز اتکگ، بھارتی نمونگ ءِ اے وائرس گوں ترندی ءَ شنگ بوھگ ءَ انت، الس ماسک پر بکن انت رکھینگی رھبند آں ترندی ءَ پد ءُ رند بکن انت، پاکستان ءَ کورونا ءِ ھلاپ ءَ راستیں ءُ وھد ءُ موہ ءِ سر ءَ پیسلہ کتگ، پاکستان ملک آنی لڑ ءَ ھوار انت ھما واں کہ جوانیں گامگیج کتگ ءُ کورونا ءِ گر ءُ دار کتگ، حکومت ءَ جوانیں گامگیج ءُ آسر آنی وسیلگ ءَ الس ءُ معیشت ءَ را رکھینتگ۔ ملک ءَ انوگ ءَ تاں سئے کروڑ ءَ چہ گیش مردم آناں کورونا ویکسین جنگ بوتگ، ملکی معیشت سکیں ساھت آں چہ در کپتگ، اھوالکاری پڑ ءُ پازیٹیو ایں ایراد گرگ ملک ءِ واستہ یک نعمت ءِ بیت، لُچ ءُ لچڈیں سروک میڈیا ءَ چہ ترس انت، میڈیا ءَ آزاتی ءَ گوں وتی لیکہ ءِ درشان کنگ یک داد ات۔ یک شمبے ءِ روچ ءَ “شمے مزن وزیر شمے گوما ” مراگش ءَ ٹیلی فون کالز ءُ سوشل میڈیا ءَ کلو آنی وسیلگ ءَ الس یک شل ءَ مزن وزیر ءِ گوما تران کنان ءَ مزن وزیر ءَ گوشت کہ مراگش ءِ بنگیج ءَ کُلاں چہ پیش کورونا ءِ بابت ءَ تران کناں چیا کہ اے وھد ءَ پاکستان ءَ کورونا ءِ چارمی فیز اتکگ، بھارتی ویرینٹ ڈیلٹا درستاں چہ ترسناک تر انت ءُ گوں ترندی ءَ شنگ بوھگ ءَ انت۔ آئی ءَ گوشت کہ گوست ءَ ھُدا ءِ پاک ءَ مئے سر ءَ رحم ءُ کرم باز کتگ ءُ ما سکیں ساھت آں ابید وھد ءُ موہ ءِ سر ءَ جوانیں پیسلہ آنی سبب ءَ وتی الس ءُ معیشت ءَ را کورونا ءِ دیمپان بوھگ ءَ چہ رکھین تگ۔ آئی ءَ گوشت کہ پاکستان ءِ گامگیج آناں میا ں اوستمانی تک ءَ توسیپ کنگ بوتگ ءُ میاں اوستمانی اقتصادی فورم ءَ وتی رپوٹ ءَ گوشتگ کہ کورونا ءِ ھوپ ءِ ھلاپ ءَ جوانیں گامگیج کنوکیں ملک آنی تہ ءَ پاکستان سیمی نمبر ءَ انت۔ آئی ءَ گوشت کہ اے ھوالگ ءَ جوانیں کار کرد ءِ درشان کنوکیں ایندگر دو ملک آنی آباتی باز کم انت بلے ما 22 کروڑ ءَ چہ گیش آباتی ءَ را اے سکیں ساھت ءَ چہ در کتگ۔ مزن وزیر عمران خان ءَ گوشت کہ این سی او سی ءَ سائنسی پٹ ءُ پول آنی بنیات ءَ پیسلہ کتگ ءُ راج ءَ ھم حکومت ءُ ادارگ آنی گوما جوانیں کمک کتگ ایشی ءِ رد ءَ سرجمیں راج ءِ شگر ءُ منت وار آں۔ آئی ءَ گوشت کہ رمضان ءِ مبارکیں ماہ ءَ کورونا ءِ شنگ ءُ تالانی ءِ گر ءُ دار ءِ ھاترا مسیت آنی تہ ءَ نمازی مردم آں باز کمک کتگ آواں گوں جوانی ءَ رکھینگی رھبند آناں وتی کتگ، اے سبب ءَ اے ھوپ شنگ ءُ تالان نہ بوتگ۔ الس ءِ نیمگ ءَ یک جستے ءِ پسو ءَ مزن وزیر ءَ گوشت کہ ما اے جیڈھ آنی گیواری ءِ واستہ گامگیج کتگ ءُ آیوکیں پروگرام ءَ ایشی ءِ گیوار بوھگ ءِ بابت ءَ سرجمیں رنگ ءَ سرپد کنگ بیت۔ جندی ٹی وی چینل ءِ اھوالکار حبیب اکرم ءِ تران ءِ پسو ءَ مزن وزیر عمران خان ءَ گوشت کہ آزاتیں میڈیا ءَ چہ ترسوکیں سروک ءُ حکمران آناں کانود ءَ را لگت کنگ کپ ایت ھمے ھاترا آ کانود ءَ را لگت کنوک ءِ نہ ات ، پمشکہ آ نہ ترس ایت ءُ یا پدا کرپٹیں کارندہ آزات میڈیا ءَ چہ ترس انت۔ آئی ءَ گوشت کہ اگں من دُزئی کتگ بوتگیں گڈا آزات میڈیا ءَ چہ ترس اتگ ات۔ مزن وزیر عمران خان ءَ گوشت کہ میڈیا ءِ کار پازیٹیو بوھگ لوٹ ایت اھوال ءُ بٹاک آں چہ گستا بوھگ لوٹ ایت ءُ پازیٹیو ایراد ءِ وسیلگ ءَ حکومت ءُ ادارگ آنی کار کرد ءَ را گہتر جوڑ کنگ لوٹ ایت۔ آئی ءَ گوشت کہ کجام ھم ملک ءِ واستہ آزاتی ءَ گوں وتی لیکہ ءِ درشان ٹوھیں نعمت ات۔ مزن وزیر عمران خان ءَ گوشت کہ پاکستان ءَ کورونا ءِ چارمی فیز اتکگ، بھارتی نمونگ ءِ اے وائرس گوں ترندی ءَ شنگ بوھگ ءَ انت، الس ماسک پر بکن انت رکھینگی رھبند آں ترندی ءَ پد ءُ رند بکن انت، پاکستان ءَ کورونا ءِ ھلاپ ءَ راستیں ءُ وھد ءُ موہ ءِ سر ءَ پیسلہ کتگ، پاکستان ملک آنی لڑ ءَ ھوار انت ھما واں کہ جوانیں گامگیج کتگ ءُ کورونا ءِ گر ءُ دار کتگ، حکومت ءَ جوانیں گامگیج ءُ آسر آنی وسیلگ ءَ الس ءُ معیشت ءَ را رکھینتگ۔ ملک ءَ انوگ ءَ تاں سئے کروڑ ءَ چہ گیش مردم آناں کورونا ویکسین جنگ بوتگ، ملکی معیشت سکیں ساھت آں چہ در کپتگ، اھوالکاری پڑ ءُ پازیٹیو ایں ایراد گرگ ملک ءِ واستہ یک نعمت ءِ بیت، لُچ ءُ لچڈیں سروک میڈیا ءَ چہ ترس انت، میڈیا ءَ آزاتی ءَ گوں وتی لیکہ ءِ درشان کنگ یک داد ات۔ یک شمبے ءِ روچ ءَ “شمے مزن وزیر شمے گوما ” مراگش ءَ ٹیلی فون کالز ءُ سوشل میڈیا ءَ کلو آنی وسیلگ ءَ الس یک شل ءَ مزن وزیر ءِ گوما تران کنان ءَ مزن وزیر ءَ گوشت کہ مراگش ءِ بنگیج ءَ کُلاں چہ پیش کورونا ءِ بابت ءَ تران کناں چیا کہ اے وھد ءَ پاکستان ءَ کورونا ءِ چارمی فیز اتکگ، بھارتی ویرینٹ ڈیلٹا درستاں چہ ترسناک تر انت ءُ گوں ترندی ءَ شنگ بوھگ ءَ انت۔ آئی ءَ گوشت کہ گوست ءَ ھُدا ءِ پاک ءَ مئے سر ءَ رحم ءُ کرم باز کتگ ءُ ما سکیں ساھت آں ابید وھد ءُ موہ ءِ سر ءَ جوانیں پیسلہ آنی سبب ءَ وتی الس ءُ معیشت ءَ را کورونا ءِ دیمپان بوھگ ءَ چہ رکھین تگ۔ آئی ءَ گوشت کہ پاکستان ءِ گامگیج آناں میا ں اوستمانی تک ءَ توسیپ کنگ بوتگ ءُ میاں اوستمانی اقتصادی فورم ءَ وتی رپوٹ ءَ گوشتگ کہ کورونا ءِ ھوپ ءِ ھلاپ ءَ جوانیں گامگیج کنوکیں ملک آنی تہ ءَ پاکستان سیمی نمبر ءَ انت۔ آئی ءَ گوشت کہ اے ھوالگ ءَ جوانیں کار کرد ءِ درشان کنوکیں ایندگر دو ملک آنی آباتی باز کم انت بلے ما 22 کروڑ ءَ چہ گیش آباتی ءَ را اے سکیں ساھت ءَ چہ در کتگ۔ مزن وزیر عمران خان ءَ گوشت کہ این سی او سی ءَ سائنسی پٹ ءُ پول آنی بنیات ءَ پیسلہ کتگ ءُ راج ءَ ھم حکومت ءُ ادارگ آنی گوما جوانیں کمک کتگ ایشی ءِ رد ءَ سرجمیں راج ءِ شگر ءُ منت وار آں۔ آئی ءَ گوں کلیں پاکستانی الس ءَ گوں دزبندی کت کہ اے جاڑیگیں فیز ءَ رکھینگی رھبند آناں الم وتی بکن ات ۔
