اسلام آباد۔31جولائی (اے پی پی):صدر مملکت ڈاکٹر عارف علوی ءَ گوشت کہ نھال کشگ ءِ دیمروئی ءِ واستہ سکول ءَ کسانیں زھگ آناں ھیل کاری المی انت، سیل ءُ سوادی ھاھ آناں ساپ ءُ سلہ کنگ مئے زمہ واری انت، وزارت ءِ موسمی مٹ ءُ بدلی ءِ کار کرد دروری انت، ایٹپاسپیئر ءِ رکھینگی ءِ واستہ زرتاج گل ءُ ملک امین اسلم ءَ جوانیں کار کتگ، پاکستان ءَ کشت ءُ کشار ءُ کوویڈ 19 ھوپ ءِ گر ءُ دار ءِ ھاترا باز جوانیں ءَ گوں کار کتگ، آئیءَ گوشت کہ ورنا پاکستان ءَ را سر سبز ءُ شاتاپ جوڑ کنگ ءَ بھر زوری بکن کنگ ءَ انت۔ سڑک ءُ پچیں جاھ آں درچک آنی رکھینگ مئے توامیں مردم آنی زمہ واری انت ، گس ءَ کشتگیں درچک ءِ چار ءُ گزار ءَ چہ ایشی ءِ برورد ءُ رُدوم گیش بیت۔ زھگ آناں ایشانی پھریزگ ءِ بابت ءَ زانت ءُ سرپدی دیگ المی انت۔ شمبے ءِ روچ ءَ صدر ءِ مملکت ءَ ادا برجم داشتگیں مراگش ءَ گوں گشتانک دیان ءَ آئی ءَ گوشت کہ من ءُ ثمینہ علوی ءَ حکومت ءَ چہ یک، یک لکھ درچک زرتگ ءُ مردم آناں بھر ءُ بانگ کتگ تانکہ کراچی ءَ نھال کشگ ءِ کار ءَ را دیمروئی بہ رس ایت۔ آئی ءَ گوشت کہ مئے فرض انت کہ ما آیوکیں باھند ءِ واستہ کار بکن آں۔ صدر ڈاکٹر عارف علوی ءَ پاکستانی الس ءِ سر ءَ زور پر دات کہ پاکستان کلین اینڈ گرین جوڑ کنگ ءِ واستہ وتی کرد ءَ پیلو بکن انت۔
