ملتان۔31جولائی (اے پی پی): وزیر ء، درئی کار مخدوم شاہ محمود قریشی ءَ گوشت کہ پاکستان اوگانستان ءَ ایمنی لوٹ ایت ءُ اے ھوالگ مئے اے بُن گپ انت کہ جیڈھ گپ ءُ تران ءِ وسیلگ ءَ گیوار بہ بنت۔ مئے اے فرض انت کہ ما اے طاقت آناں بچار آں ھما کہ ایمنی کار ءَ دست مانجی کناں ءُ پینگ جناں، شمبے ءِ روچ ءَ رضا ہال ملتان ءَ اھوالکار آں گوں تران کنان ءَ وزیر ءِ درئی کار ءَ گوشت کہ پاکستان پڑ ءَ اے توامیں ملک آں گوں رابطہ ءِ تہ ءَ انت ھما کہ اوگانستان ءِ ھمساھگ انت۔ ما اوگانستان ءِ گوما رابطہ ءِ تہ ءَ آں ءُ طالبان ءِ گوما ھم بلے اوگان حکومت ءُ طالبان آناں وت یکجا بہ نندآں بلے ما آوانی جیڈھ آنی تہ ءَ بے سر ءُ پادی ءَ پینگ جنی کنگ نہ لوٹاں۔ آئی ءَ گوشت کہ ما پہ زور ءُ زوراکی کبزہ کنگ ءِ منوک ھم نہ یاں۔
