اسلام آباد۔ 30جولائی (اے پی پی) این سی او سی جمعہ نادے آ مروک آ دیوان آن پد تینا ٹویٹ اٹی پارینے کہ فورم کراچی ٹی کورونا دین انا تالانی نا سرجم جاچ ءِ ہلک و دادین انا ودوک آ تالانی نا کچ اتون مون تننگ کن حکومت سندھ انا ہرممکن کمک ءِ کننگ نا فیصلہ ءِ کرینے۔ فورم ءِ پاننگاکہ بنجائی حکومت دارداٹ سندھ حکومت کن کمکی گام گیج آتے ٹی آکسیجن نا آسراتی والا کٹ و وینٹی لیٹرآتیان بیدس آکسیجن نا دوئی کننگ و کانود نافذ کروک آ ادارہ غاتا تعیناتی تون اوار ایس او پی و رکھی گام گیج آتا نافذ کننگ اٹ لگوک ءِ۔ دیوان نا کماشی ءِ بنجائی وزیر شونداری و ڈٹ بندی و خصوصی گام گیج اسدعمر کرے۔
