نمائندہ خصوصی بین المذاہب ہم آہنگی و دے ٹک نیامی حافظ محمد طاہر محمد اشرفی عالم دین و مشائخ آتون رابطہ و اوڑدہی تا بناءِ کرے

اسلام آباد۔ اسلام آباد۔30جولائی (اے پی پی):وزیر اعظم پاکستان عمران خان پارت آتیا مچ آ ملک اٹی محرم الحرام اٹی امن ایمنی، بین المسالک و بین المذاہب رواداری اور عالم دین و مشائخ آتا ویل آتا ایسری کن نمائندہ خصوصی وزیر اعظم پاکستان بین المذاہب ہم آہنگی و دے ٹک نیامی حافظ محمد طاہر محمود اشرفی رابطہ و اوڑدہی تا بناءِ کرینے۔ ملک انا چندی شارتیٹی عالم دین و مشائخ و زموار آتون اوڑدہی، پاکستان علماء کونسل ومتحدہ علماء بورڈ انا کمک اٹ کلہو پاکستان ضابطہ اخلاق ءِ پک اتون پورو عملدر آمد کن گام گیج کننگ انگ ءِ۔ عالم دین و مشائخ آک چیئرمین پاکستان علماء کونسل و نمائندہ خصوصی وزیر اعظم پاکستان حافظ محمد طاہر محمود اشرفی ءِ مچ آ ملک اٹی بین المسالک و بین المذاہب ہم آہنگی کن وزیر اعظم پاکستان عمران خان نا ویژن نا پورو مخ تفی ءِ کننگ نا پڑو ءِ کرینو،  فیصل آباد، لاہور، اسلام آباد، راولپنڈی، کراچی، پشاور، کوئٹہ،آزاد کشمیر، گلگت بلتستان اٹی چندی مکتبہ فکر انا عالم دین و مشائخ آتون اوڑدہی تیان پد جاری اسہ بیان اسے ٹی حافظ طاہر محمود اشرفی پارے کہ پاکستان دشمن واکدارک وطن عزیز پاکستان ءِ نزور کننگ کن فرقہ وارانہ تشدد و پاک فوج انا برخلاف خار تالان کننگ نا ڈٹ اس جوڑ کرینوہرادے عالم دین و مشائخ و پاکستان نا الس مدام بے سہب کرینو۔ اوپارے کہ پیغام پاکستان ضابطہ اخلاق آ ملک انا ہزار آ عالم دین و مشائخ، مفتی اکرام ومسلم اور غیر مسلم سرکڑدہ غاتا دستخط ءِ۔ پیغام پاکستان ضابطہ اخلاق آ پورو عمل کرفنگک۔ اوپارے کہ وزیراعظم نا پیدوار پارت ءِ کہ مسلمان و غیر مسلم تے آئین پاکستان نا رداٹ ہرا حق تننگانے اونا ہرکہول آ ریاست رکھ ءِ کیک۔ تدوک آ ہفت تُو اٹی ملک اٹی ہچ ءُ مذہبی خون یا پھسات اس متنے۔ننے انتہا پسندی ودہشت گردی نا سوچ و فکر ءِ چٹفنگ کن ہر کہول آ کوشست کروئی ءِ۔ورناچین ءِ اسلام نا حقی تعلیمات آتے سرکروئی مریک۔ اوپارے کہ عمران خان اسلامک فوبیا وناموس رسالت، عقیدہ ختم نبو ت نامعاملہ غا ہرکہول آ مسلمان تا ترجمانی ءِ کرینے، کس اسے نظریہ پاکستان واسلام نااساس آ جلہو گیر مننگ کن ہلنگ پننگک۔