آزاد کشمیر کانود ساز اسمبلی نا گچین کاری، مسہ مسکوہی وزیراعظم آتون اوار دزکش مروک آ اسمبلی نا 15باسک دُوارہ گچین مسر، الیکشن کمیشن

اسلام آباد۔ 30جولائی (اے پی پی) آزاد کشمیر کانود ساز اسمبلی نا گچین کاری تیٹی مسہ مسکوہی وزیراعظم آتون اوار دزکش مروک آ اسمبلی نا 15باسک دُوارہ گچین مننگ اٹ سرسہب مسر۔ الیکشن کمیشن نا کنڈآن جاری سرکاری نتیجہ غاتا رداٹ ایل اے 3میرپور شار آن مسکوہی وزیراعظمبیرسٹر سلطان محمود چوہدری، ایل اے 6برنالہ غان مسلم لیگ ن نا کرنل ریٹائرڈ وقار احمد نور، ایل اے 5چڑھوئی آن اپوزیشن لیڈر چوہدری محمد یاسین، ایل اے 14غربی باغ آن مسکوہی وزیراعظم سردار عتیق احمد خان ئسک دُوارہ سرسہب مسنو۔ ایل اے 16شرقی باغ آن غیرحتمی نتیجہ غاتا رداٹ سردار میر اکبر خان سرسہب مسنے۔ ایل اے 19پونچھ ھجیرہ غان ساڑی آ ڈپٹی اسپیکر سردار عامر الطاف، ایل اے 20پونچھ سردار حسن ابراہیم، ایل اے 25نیلم آن ساڑی آ اسپیکر شاہ غلام قادر، ایل اے 32چکار ساڑی آ وزیراعظم راجہ فاروق حیدر خان، ایل اے 39جموں 6آن راجہ محمد صدیق، ایل اے 40ویلی ون آن عامر عبدالغفار لون، ایل اے 41ویلی2آن غلام محی الدین دیوان، ایل اے 44ویلی پنچ آن احمد رضا قادری وخت اس کہ ایل اے 45ویلی 6آن عبدالماجد خان ئسک سرسہب گوندنگار۔