نیب دیوان، 179میگاکرپشن مقدمہ غاتے ایسر اسکان سرکننگ کن پیش رفت نا جاچ ءِ ہلنگا

اسلام آباد۔ 30جولائی (اے پی پی) نیب 66میگاکرپشن مقدمہ غاتے ایسر اسکان سرکرینے دافتیان 12میگاکرپشن کیس آتے ٹی چندی شرفمندآ احتساب عدالت آک پبی شاہدی تا بنداو آ کانود نا رداٹ جم وڑاٹ دوبہ دارآتے 4.364ارب روپئی نا سزا بنفینے۔ قومی احتساب بیورو نا چیئرمین جسٹس جاوید اقبال نا کماشی ٹی نیب ہیڈکوارٹر اٹی اسہ بڑزکو کہول انا دیوان اس اڈ ہلک۔ قومی احتساب بیورونا چیئرمین جسٹس جاوید اقبال نا کماشی ٹی نیب اٹی بڑزکو کہولی دیوان اس اڈ ہلک۔ دیوان اٹی حسین اصغر، ڈپٹی چیئرمین نیب، سید اصغر حیدر، پراسیکوٹر جنرل اکاؤنٹبیلیٹی،ظاہرشاہ، ڈی جی آپریشنز نیب وخت اس کہ نیب انا غٹ علاقائی بیورو تا ڈائریکٹر ز جنرل آک ویڈیو لنک انا کمک اٹ بشخ ہلکر۔ دیوان اٹی نیب انا ماہانہ جم کارکڑد، مچ آ ملک اٹی چندی فاضل احتساب عدالت آتے ٹی نیب انا زیر سماعت ریفرنس خاص وڑاٹ میگاکرپشن مقدمہ غاتے ایسر اسکان سرکننگ کن داتم اسکان نا پیش رفت نا جاچ ءِ ہلنگا۔ دیوان ءِ پاننگاکہ 179میگاکرپشن مقدمہ غاتیان 66میگاکرپشن مقدمہ غاتے شرفمند آ احتساب عدالت آک کانود نا رداٹ ایسراسکان سرکرینو وخت اس کہ 93وڈی خوری نا مقدمہ غاک شرفمند آ احتساب عدالت آتیٹی پدسلوک ءُ ہرافتا زوت سماعت کن شرفمند آ احتساب عدالت آتے ٹی کانود نا رداٹ درخواست دائرکننگ انگ ءِ۔ قومی احتساب بیورو نا چیئرمین جسٹس جاوید اقبال میگاکرپشن مقدمہ غاتے ٹی نیب انا کارکڑد آ است جمی نا درشانی ءِ کرے۔ دیوان اٹی پاننگاکہ 66میگاکرپشن مقدمہ ہرافتے ایسراسکان سرکننگانے اوفتیان 12میگاکرپشن کیس آتے ٹی چندی شرفمند آ احتساب عدالت آک پبی شاہدی و ثبوت آتا بنداو آ کانود نا رداٹ جم وڑاٹ دوبہ دارآتے 4.364ارب روپئی نا سزا بنفے۔ ہرافتے ٹی عبد القادرتوکل و ایلوفتے 613ملین روپئی نا سزا،اشتیاق حسین میسرز بارق سنڈیکیٹ راولپنڈی اور ایلوفتے 200ملین روپئی ناسزا،پاکستان میڈیکل کووآپریٹو ہاؤسنگ سوسائٹی نا انتظامیہ ولینڈ سپلائرز ءِ 70ملین روپئی نا سزا،حارث افضل ولد شیر محمد افضل و ایلوفتے 1ارب روپئی نا سزا،سیٹھ نثار احمد و ایلوفتے 179.069ملین روپئی ناسزا،شیخ محمد افضل چیف ایگزیکٹو/ڈائریکٹرحارث سٹیل انڈسٹری پرائیویٹ لمیٹڈ و ایلوفتے 331ملین روپئی نا سزا،رضا حبیب چیف ایگزیکٹو، شمائلہ میسرز جنت اپیرل پرائیویٹ لمیٹڈ فیصل آباد ءِ 174ملین روپئی ناسزا،شیخ محمد افضل ءِ 435ملین روپئی نا سزا،گلیکسی سٹی راولپنڈی ناانتظامیہ و ایلوفتے 213ملین روپئی ناسزا،ایاز خان نیازی مسکوہی چیئرمین این آئی سی ایل و ایلوفتے 900ملین روپئی نا سزا،سید مرید کاظم مسکوہیصوبائی وزیر ریونیو خیبر پختونخوا،احسن اللہ مسکوہی سینئر ممبر بورڈ آف ریونیووایلوفتے 200ملین روپئی نا سزا وخت اس کہ سعید اختر جنرل منیجر پاکستان ریلویز و ایلوفتے 3.78ملینیو ایس ڈالر نا سزا بنفے۔ وخت اس کہ 6مقدمہ غاتے ٹی نیب دوبہ دار آتیان ولنٹری ریٹرن نا کمک اٹ جم وڑاٹ 7.859ارب روپئی دوبہ دارآتیان دوئی کرسا قومی خزانہ ٹی جمع کرفے۔ ہرافتے ٹی الحمرہ ہلز اینڈ ایڈن بلڈرزنا انتظامیہ 1.932ارب روپئی، منظرکوہسار احباب ہاؤسنگ سوسائٹی موزہ جھنڈونا انتظامیہ وایلوفک 80ملین روپئی، ایم امجد عزیز چیف ایگزیکٹیو آفیسر ڈیوائن ڈویلپرز پرائیویٹ لمیٹڈ و ایلوفک 313.308ملین روپئی، خوشحال ایسوسی ایٹس نوشہرہ و ایلو60ملین روپئی، شاہنواز مری مسکوہی صوبائی وزیر گوازی حکومت بلوچستان 14ملین روپئی وخت اس کہ ریاض احمد مسکوہی پراجیکٹ ڈائریکٹر پولیس ڈیپارٹمنٹ بلوچستان 5.5ارب روپئی نا ولنٹری ریٹرن نا زر دوئی کرسا قومی خزانہ ٹی جمع کرفے۔