اسلام آباد۔ 30جولائی (اے پی پی) چیئرمین سینیٹ محمد صادق سنجرانی و ڈپٹی چیئرمین سینیٹ مرزا محمد آفریدی پارلیمنٹ ہاؤس نا لان اٹ نیال اس خلسا شجرکاری مہم نا بناءِ کرینو۔ داوخت آ چیئرمین سینیٹ پارے کہ چاگڑد دوست گام گیج ننا اولیت آتے ٹی اوار ءِ۔ چاگڑد دوست رویہ غاتا مون آ دننگ کن غٹ ادارہ غاتے اواری اٹ کاریم کننگ نا گرج ءِ۔ اوپارے کہ موسمیاتی بدلی نا اثرآتے پبی شجرکاری و چاگڑد دوست گام گیج آتے اٹ ہی کم کننگ مریک۔ درخت خلنگ ننا انفرادی و اجتماعی زمواری ءِ، الس آن خواست ءِ کہ درخت خلے و چاگڑد دوست رویہ ءِ تینائیکیر۔ داوخت آ ڈپٹی چیئرمین پارے کہ پارلیمان موسمیاتی بدلی نا اثرآتے کم کننگ کن گچین کانود جوڑ کننگ کن کوشست کننگ ءِ۔ کاربن نا خارج مننگ ءِ کم کننگ کن پارلیمان شمسی توانائی اٹ بجلی نا گرج آتے پورو کننگ ءِ۔ اوالس آن خواست کرے کہ الس شجرکاری مہم اٹ زیات آن زیات بشخ ہلے۔ داوخت آ سینیٹرز فدامحمد، زیشان خانزادہ غان بیدس سیکرٹری سینیٹ محمد قاسم صمد خان ئسک ہم ساڑی ئسر۔
