اسلام آباد۔ 30جولائی (اے پی پی) وزیراعظم عمران خان تون سعودی عرب نا سفیر نواب بن سعید احمد المالکی اوڑدہی کرے۔ جمعہ نادے آ وزیراعظم آفس نا میڈیا ونگ آن جاری بیان نا رداٹ اوڑدہی ٹی سعودی سفیر وزیراعظم عمران خان ءِ ولی عہد محمد بن سلمان نا کنڈآن اکتوبر 2021ء ٹی سعودی عرب نا مہمانداری ٹی ”مڈل ایسٹ گرین انیشی ایٹیو“ نا سرحال آ مروک آ سروک دیوان اٹی بشخ ہلنگ نا باضابطہ سلہ خلک۔ یات سلے کہ سعودی ولی عہد نا کنڈآن مڈل ایسٹ گرین انیشی ایٹیو نا پڑو ءِ ہنداسال انا بناٹی کننگاسس، ہرا وزیراعظم پاکستان نا کلین و گرین پاکستان و 10ارب سونامی ٹری ڈٹ اتون مطابقت تخک۔ پاکستان و سعودی عرب چاگرڈ اٹ بدلی نا بابت تینا حکمت عملی ٹی ہم گرنچی ودی کننگ کن ہم اسہ ایلو تون خڑکی کمک کننگ ءُ۔ وزیراعظم عمران خان ءِ داسروک دیوان اٹ خلوک آ سلہ چاگڑدی بدلی تتون مون تننگ کن پاکستان نا قائدانہ کڑد انا امنائی ءِ۔
