اسلام آباد۔ 29جولائی (اے پی پی) بنجائی وزیر مواصلات و پوسٹل سروسز مراد سعید پارینے کہ ملک انا ہربشخ اٹی سند یافتہ ڈوہدار تا سیاست آن سفایا مننگ ءِ۔ سیالکوٹ آن ضمنی گچین کاری تیٹی پاکستان تحریک انصاف نا اومیتدار نا شاندار سرسہبی آ کارندہ غاتے مبارکبادی ترسا اوپارے کہ کشمیری الس آن پد سیالکوٹ نا الس ہم وزیراعظم عمران خان آ پت انا درشانی ءِ کرینو ہراڑآ اوفتا منت وار اُن۔ پنچ شنبے نادے آ تینا ٹویٹ اٹی اوپارے کہ اللہ نا شکر ءِ کہ سیالکوٹ نا الس ہم عمران خان نا حق اٹ فیصلہ ءِ بنفینو۔ اوپارے کہ ملک انا ہربشخ اٹی سند یافتہ ڈوہدار تا سیاست آن سفایا مننگ ءِ۔ انشاء اللہ سندھ اٹی ہم تحریک انصاف نا حکومت نا جوڑ مننگ آن مچ آ ملک انا سیاست ڈوہدار تیان ہمیشہ کن پاک مریک۔
