اسلام آباد۔ 29جولائی (اے پی پی) بنجائی وزیر ڈٹ بندی، شونداری، اصلاحات و خصوصی گام گیج اسد عمر پارینے کہ تدوک آ مسہ دے آن اولیکو دے 6لکھ 80ہزار، ارٹ میکو دے 7لکھ 78ہزار و مسٹ میکو دے 8لکھ 50ہزار بندغ ءِ کورونا ویکسین خلنگانے۔ پنچ شنبے نادے آ تینا ٹویٹ اٹی اوپارے کہ پدریسہ مسٹ میکو دے ویکسین خلنگ نا پوسکن ءُ ریکارڈ اس جوڑ مننگ ءِ۔ اوپارے کہ انشاء اللہ اسہ دے اٹی کورونا ویکسین نا 10لکھ ٹیکہ خلنگ نا ہدف ءِ سرایتنہ۔اوپارے کہ درو پنجاب، سندھ، خیبرپختونخواو بلوچستان اٹی غٹ ویکسین خلفیر۔ اوپارے کہ داویکسین خلنگ نا عمل بھاز جوان ہِننگ ءِ نن داعمل ءِ پین گچین آن گچین بایدے جوڑ کین۔ اوالس آن خواست کرے تینے و تینا چناتے داہلوک آ ناجوڑی آن بچفنگ کن ویکسین خلفر و ایس او پی تیا عملدرآمد کرفر۔
