اسلام آباد۔ 29جولائی (اے پی پی) وزیراعظم نا سلاہکار واپار و زرکاری عبدالرزاق داؤد پارینے کہ سام سنگ ہندی شریدارلکی موٹرکارپوریشن تون اواری اٹ بھاز زوت پاکستان اٹ موبائل ڈیوائس تیار کننگ آ رضامندی نا درشانی ءِ کرینے۔ پنچ شنبے نادے آ تینا ٹویٹ اٹی وزیراعظم نا سلاہکار واپار و زرکاری پارے کہ میڈیا نا گڑاس بشخ آتے ٹی پاکستان اٹ سام سنگ نا کنڈآن موبائل جوڑ کننگ نا یونٹ نا جوڑ کننگ نا بابت اوڑتون غلط وڑاٹ منسوب اسہ بیان اس مون آ بسنے۔ وزیراعظم نا سلاہکار پارے کہ او پیدوار کننگ خواہک کہ سام سنگ تینا مہالو والا فیصلہ ءِ بدل کرینے و داسہ سام سنگ ہندی شریدار لکی موٹرکارپوریشن تون اواری اٹ بھاز زوت موبائل ڈیوائس تیار کننگ آ رضامندی نا درشانی ءِ کرینے۔
