اسلام آباد۔ 29جولائی (اے پی پی) الیکشن کمیشن غٹ سیاسی جماعت آتے پارت کرینے کہ او 7اگست آن مست کنٹونمنٹ بورڈ انا گچین کاری تیکن اومیت دار آتے پارٹی ٹکٹ جاری کیر، کنٹونمنٹ بورڈز اٹی بلدیاتی الیکشن جماعتی بنداوتیا 12ستمبر 2021آ مریرہ۔ پنچ شنبے نادے آ الیکشن کمیشن نا کنڈآن جاری پریس ریلیز نا رداٹ الیکشن کمیشن دا چرجوئی ٹی غٹ سیاسی جماعت آتا سرکڑدہ غاتیان خواست کرینے کہ او 7اگست 2021ء اسکان تینا پندار اومیتدار آتے پارٹی ٹکٹ جاری کیر۔ دارداٹ پارٹی سروک تینٹ یا سروک نا کنڈآن مقرر کروک مجاز نمائندہ اسے ٹکٹ جاری کننگ کیک۔ پارٹی سروک نا کنڈآن ہمو مجاز نمائندگان ہراپارٹی ٹکٹ جاری کننگ کیک اونا پن، ولدیت، پارٹی عہدہ و نمونہ دستخط ہرچار آ صوبائی الیکشن کمشنر تے 7اگست 2021اسکان مون ایتر تانکہ 13اگست 2021ء آ پارٹی ٹکٹ نا رداٹ ریٹرننگ آفیسر آک اومیتدار آتے پارٹی نشان الاٹ کننگ کیر۔
