اسلام آباد۔ 29جولائی (اے پی پی) بنجائی وزیر سائنس و ٹیکنالوجی شبلی فراز پارینے کہ اسلام آباد ہیلتھ ریگولیٹر اتھارٹی (آئی ایچ آراے) و پاکستان نیشنل ایکریڈیشن کونسل(پی این اے سی) ءِ جان جوڑی نا بشخ اٹ آب انا نفاذ و ہسپتال آتے کن اسٹارریٹنگ رجیم تیار کننگ کن اواری اٹ کاریم کروئی مریک۔ داخیال آتا درشانی ءِ او پنچ شنبے نادے آ سی ای او، آئی ایچ آر اے قائد سعید تون اوڑدہی ٹی کرے۔ بنجائی وزیر داہیت آ زور شاغا کہ جان جوڑی نا بشخ اٹ آب اٹ آسراتی تا فراوانی مخلوق نا بنداوی حق ءِ۔ اوپارے کہ جان جوڑی نا بشخ ءِ آب اٹ کننگ آن ملک اٹ طبی سیل و سوات ءِ ہم مون آ دننگک۔ اوپارے کہ پی این اے سی و آئی ایچ آر اے ءِ دا چرجوئی ٹی آگاہی ودی کننگ و ہیلکاری پروگرام تا اڈتننگ کن تین پہ تینی کمکاری اٹ کاریم کیر۔
