بلوچستان اٹی شاہراہ تا نیٹ ورک صوبہ نا تقدید ءِ بدل کیک، چیئرمین سینیٹ محمد صادق سنجرانی

اسلام آباد۔ 29جولائی (اے پی پی) چیئرمین سینیٹ محمد صادق سنجرانی پارینے کہ اقتصادی ات و در اٹ ترندی اتنگ کن پوسکن ءُ شاہراہ جوڑ کننگ و متکن آ شاہراہ تا بحالی بھاز اہم ءِ، بلوچستان اسہ اہم ءُ صوبہ اسے شاہراہ تا نیٹ ورک صوبہ نا تقدید ءِ بدل کیک، این ایچ اے، اونا انجینئرآک و چاہندار آتا کوشست آک ستاکڑزرہ۔ سینیٹ سیکرٹریٹ نا رداٹ داخیال آتا درشانی ءِ او نیشنل ہائی وے اتھارٹی نا کمامدارآتا کنڈآن بلوچستان اٹی برجاڈٹ آتیا تروک آ حوال اٹی کرے۔ داوخت آ این ایچ اے نا کمامدارآک حوال ترسا پاریر کہ 103کلومیٹر مرغن نوکنڈی۔ماشکیل روڈ انا بناءِ زوت کننگک ہرانا بناءِ 10اگست آ چیئرمین سینیٹ کیک۔ حوال اٹی پاننگاکہ زیارت۔ بالانوش آن دالبندین شاہراہ آ کاریم اکتوبرنا تُو اٹی بناکننگک۔ داوخت آ چیئرمین سینیٹ پارت کرے کہ شاہراہ تا برجاڈٹ آتے زوت ایسراسکان سرکننگے۔ نوکنڈی تا ماشکیل روڈ آ آبادی و اِلار نا باغ تے ہچ وڑنا نسخان رسینگپ۔ آبادی و باغ تے بچفنگ کن روڈ انا الائنمنٹ نا اول سرآن جاچ ءِ ہلنگے۔ اوپارے کہ شاہراہ تا ہڑتوم آ کنڈآ درخت خلنگے۔ شاہراہ تا نیٹ ورک ءِ ودفنگ تون اوار اوار چاگڑدی کچٹی ءِ کم کننگ کن شجرکاری نا ڈٹ آتا بناءِ کننگے۔ اوپارے کہ صوبہ نا زرگزرانی و اقتصادی شونداری ٹی شاہراک اہم ءُ کڑد اس ادا کیرہ۔ اقتصادی ات و در اٹ ترندی اتنگ کن پوسکن ءُ شاہراہ جوڑ کننگ و متکن آ شاہراہ تا بحالی بھاز اہم ءِ۔ آب اٹ شاہراہ تا تفنگ ملک انا جم زرگزرانی سرجزآتیا جوان ءُ زہم اس تمک۔ این ایچ اے، اونا انجینئرآک و چاہندارآتا کوشست آک ستاکڑزرہ۔ چیئرمین سینیٹ پارے کہ بلوچستان اسہ اہم ءُ صوبہ اسے شاہراہ تا نیٹ ورک صوبہ نا تقدید ءِ بدل کیک۔ این ایچ اے نا کمامدارآک پاریر کہ بلوچستان صوبہ ٹی نیشنل ہائی وے نا نیٹ ورک 3835کلومیٹرآ تالان ءِ۔ گچین مانیٹرنگ وہُننگ کن چندی زون جوڑ کننگانے۔ داوخت آ چیئرمین سینیٹ ءِ بسیمہ۔خضدار،یکمچ۔خاران،کچلاک۔ژوب و کوئٹہ دیکی بائی پاس تون اوار ایلو اہم ڈٹ آتیا ہم حوال تننگا۔