راولپنڈی۔ 28جولائی (اے پی پی) چیف آف آرمی اسٹاف جنرل قمر جاوید باجوہ تون سعودی عرب نا وزیر خارجہ شہزادہ فیصل بن فرحان السعود اوڑدہی کرے۔ اوڑدہی ٹی ہڑتوم آ کنڈآتا است خواہی نا باندات، اوغانستان امن عمل تون اوار ڈیہہ ٹی سلامتی نا بدل مروک آ حالیت و علاقائی امن و رابطہ کاری کن تین پہ تینی کمکاری آ گپ وتران کننگا۔ پاک فوج انا شعبہ تعلقات عامہ نا رداٹ سعودی وزیر خارجہ پاکستان ءِ بدل مفروک مخ تفی نا باوری کرفسا ڈیہہ ٹی امن و سوگوی نا مون آ دننگ کن پاکستان نا مخلصانہ کوشست و کڑد انا ستاءِ کرے۔ داوخت آ آرمی چیف پارے کہ سعودی عرب و پاکستان نا نیام اٹ ایلمی و تین پہ تینی پت آ مبنی تعلقداری ءِ و ہڑتوم آ ملک آک امن و سوگوی کن تینا کڑد ءِ ادا کرسا کیرہ۔ اوپاکستان و و اونا سلہہ بند فوج اکن سعودی عرب نا مخ تفی آ سعودی سرکڑدہ غاتا منت واری ءِ ہرفے۔
