کراچی۔ 28جولائی (اے پی پی) پاک بحریہ نا جہاز پی این ایس ذوالفقار روس انا سرسہب دورہ ءِ پورو کننگ آن پد سینٹ پیٹرزبرگ آن روانہ مس۔ روسی بحریہ روایتی عسکری وڑاٹ پاک بحریہ نا جہاز ءِ رخصت کرے۔ ترجمان پاک بحریہ نا رداٹ دورہ ٹی مشن کمانڈر و کمانڈنگ آفیسر تون مروک آ اہم اوڑدہی تے ٹی میزبان کمامدارآک روس انانیوی ڈے پریڈ اٹ بشخ ہلنگ آ پاک بحریہ نا منت واری ءِ ہرفے۔ دورہ نا ایسر آ پاک بحریہ نا جہاز روسی بحریہ تون ہڑتوم آ کنڈآتا بحری مشق عریبین مون سون اٹی ہم بشخ ہلک۔ مشق اٹی پوسکن آ بحری آپریشن تا درشانی ءِ کننگا۔ ترجمان نا رداٹ پاک بحریہ نا جہاز نا روس انا دادورہ ہڑتوم آ ملک خاص وڑاٹ بحری فوج انا نیام اٹ تعلقداری تے پین مون آ دیک۔

متعلقہ مضامینمصنف کی طرف سے مزید