اسلام آباد۔ 28جولائی (اے پی پی) بنجائی دارالحکومت اسلام آباد تون اوار ملک انا بڑزکو علاقہ غاتے ٹی کرار کرار آ بشامی آ پِرانا چرجوئی برجاءِ، گڑاس ہند آتیا موسلادھار پِرآن اربن فلڈنگ نا حالیت ہم ودی مس، غٹ آن زیات پِر اسلام آباد اٹی سیدپور ناہند آ 123ملی میٹر ریکارڈ کننگا۔ محکمہ موسمیات نا رداٹ چارشنبے نا دے کشمیر، اسلام آباد، پنجاب و خیبرپختونخواٹی ترند تہو و ہورہ وگروک اٹ پین پِر اناگمان ءِ وخت اس کہ داوخت آ گڑاس ہند آتیا موسلادھار پِر اناہم گمان ارے۔ ملک انا ایلو علاقہ غاتے ٹی موسم باسن و مرطوب مریک۔ ہنداوڑ پنچ شنبے نادے آ ہم کشمیر،اسلام آباد، پنجاب، خیبرپختونخواو گلگت بلتستان اٹی ترند تہو و ہورہ و گروک اٹ پِر وخت اس کہ گڑاس ہند آتیا پِرمننگ کیک۔ تدوک آ 24گھنٹہ ٹی اسلام آباد، پنجاب، کشمیر، خیبرپختونخواو کراچی ٹی ترند تہو و ہورہ و گروک اٹ پِرمس۔ ملک اناایلو علاقہ غاتے ٹی موسم باسن ئس۔ غٹ آن زیات پِر اسلام آباد اٹی سیدپور123، گولڑہ 103، سٹی 72، بوکڑہ 20، ایئرپورٹ 16، پنجاب اٹی سیالکوٹ (سٹی 103، ایئرپورٹ 83)، گجرات 63، نارووال 54، مری 34، راولپنڈی (چکلالہ 32، شمس آباد 30)، جہلم 22، گوجرانوالہ12منڈی بہاؤالدین 06، اٹک 03، حافظ آباد01،م کشمیراٹی کوٹلی 56، راولاکوٹ 20، مظفرآباد (ایئرپورٹ 10، سٹی 06) خیبرپختونخواٹی بالاکوٹ 30، کاکول، 18، تخت بائی 12، میرکھانی 02 وچراٹ اٹی 01ملی میٹر پِر ریکارڈ کننگا۔
