اسلام آباد۔ 27جولائی (اے پی پی) بنجائی وزیر ڈٹ بندی، شونداری، اصلاحات و خصوصی گام گیج اسدعمر پارینے کہ سرکاری بشخ انا سالانہ شونداری پروگرام نا رداٹ مچ آ ملک اٹی چندی ڈٹ آتے کن تدوک آ مالی سال اٹی 101.4درسد نا فنڈجاری کننگا۔ سے شنبے نادے آ تینا ٹویٹ اٹی اوپارے کہ مالی سالک 2020-21ء ٹی بنجائی حکومت نا شونداری پروگرام 650ارب روپئی ئس ہراکہ حکومت 659ارب روپئی نا فنڈجاری کننگانے ہراکہ ہدف آن 9ارب روپئی زیات ءُ۔ اوپارے کہ دا2012-11آن پد کوویڈ۔ 19نا ویل آتیان پد ہم تدوک آ سال غٹ آن زیات کچ اٹ شونداری فنڈز خڑچ کننگانے۔ اوپارے کہ کوویڈ۔ 19نا پابندی تیان پد ہم داخہ در زیات کچ اٹ شونداری کاریم تیا فنڈز انا خڑچ کننگ وزیراعظم عمران خان نا وژن نا ڈیک ءِ۔ اوپارے کہ کورونا نا دین انا مشکل آتیان پد ہم حکومت غٹ برجا بھلا ڈٹ آتیا کاریم ءِ برجاتخا۔
