اسلام آباد۔ 27جولائی (اے پی پی) بنجائی وزیر حوالکاری و شینکاری چوہدری فواد حسین پارینے کہ حکومت و اپوزیشن اٹی الیکشن کمیشن نا باسک آتا تقرری آ ڈیڈلاک نا تاثر درست اف، وزیراعظم آئین نا رداٹ اپوزیشن راہشون آن داباندات آ سلاہ ہلیک، اسہ سوگو ءُ الیکشن کمیشن اس ہراڑآ غٹ جماعت آتا پت مرے، پاکستان نا مفاداٹی ءِ۔ سے شنبے نادے آ تینا اسہ ٹویٹ اسے ٹی اوپارے کہ عمران خان نا جہد شفاف نظام اکن ءِ۔ گچین کاری اصلاحات و نیب کانود آ ہم حکومت است انا حب اٹ مون آ ہِننگ خواہک۔ اوپارے کہ نن خوانہ کہ بھلا باندات آتیا پارلیمان اٹ امنائی سلاہ ودی مرے، سیاسی نظام نا سوگوی آئین نا شرف اٹی تخوک ءِ و گچین کاری، احتساب و قومی سلامتی آ امنائی سلاہ سیاسی نظام ءِ سوگوی ایتک۔
