اسلام آباد۔ 26جولائی (اے پی پی) وزیراعظم عمران خان ایف نائن پارک اٹی سٹیزن کلب نا دورہ ءِ کرے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیرداخلہ شیخ رشید احمد، وزیر ڈٹ بندی اسدعمر، وزیر انسانی حق شیریں مزاری، خصوصی کمکار جان جوڑی ڈاکٹر فیصل سلطان، سینیٹر فیصل جاوید، چیئرمین سی ڈی اے اوڑتون اوار ئسر۔ سٹیزن کلب نا ماڑی نا تفنگ نا بنا2008ء ٹی مس ولے اونا پوروی پدتمنگ نا گواچی ئس ہرادے ساڑی حکومت 2018ٹی پورو کرے۔ ماڑی ءِ کاریم اٹ اتنگ نا بابت مون تروک کانودی باندات آتا رداٹ معاملہ پدتمنگ نا گواچی ئس۔ کابینہ ساڑی ہی ٹی داماڑی ءِ السی مسخت آتے کن کاریم اٹ اتنگ آ سجفے۔ وزیراعظم عمران خان نا دورہ ہنداچرجوئی نا کڑی اسے۔ وزیراعظم ناپارت آ پنی آ آرکیٹیک نیرعلی دادا و چیئرمین سی ڈی اے آ تالان کمیٹی اس جوڑ کننگانے۔ کمیٹی سٹیزن کلب نا ماڑی ءِ السی مسخت آتے کن کاریم اٹ اتنگ نا بابت تینا سلاہ و سوج آتے وزیراعظم ءِ زوت پیش کیک۔
