کراچی ۔24جولائی (اے پی پی):صدر مملکت ڈاکٹر عارف علوی ءَ گوشت کہ  کورونا وائرس ءِ گر ءُ دار  ءِ واستہ ایس او پیز آنی پد ءُ رندی ءَ را دل یکیمی جوڑ کنگ بہ بیت،  ھرچی زوت بوت کنگ الس  ءَ را ویکسینیشن بکن انت، الس این سی او سی ءِ پنت ءُ شون ءِ سر ءَ گوں ترندی ءَ  پد ءُ رندی بکن انت۔ صدر مملکت ڈاکٹ عارف علوی ءِ سرویکی ءَ گورنر گس ءَ مزن  تکی دیوان  ءِ برجم دارگ بوت۔ اے موہ ءِ سر ءَ گورنر سندھ عمران اسماعیل ءُ بنجاھی وزیر منصوبگ بندی ءُ دیمروئی ءُ ھاسیں گامگیج اسد عمر ھم ساڑی ات۔   صدر ءِ مملکت ءَ پنت ءُ شون کت کہ گورنر سندھ محمرم الحرام ءَ  چہ پیسر جتا جتائیں نیک راھی سسا ساچ آنی گوما دیوان برجم بدار ایت۔ آئی ءَ گوشت کہ محرم الحرام ءِ  روچاں نیک راھی ھند ءُ جاھاں  مچی ءِ وھد ءَ  ایس او پیز آنی پد ءُ رندی دل یکیمی  کنگ بہ بیت۔  آئی ءَ گوشت کہ اے سکیں ساھت ءَ الس زمہ واری ءِ درشان ءَ بکن انت۔