بیجنگ۔22جولائی (اے پی پی):چین ءَ صوبہ ہنان ءَ ٹوھیں سیلاپ ءِ ساھت ءَ پاکستان ءِ نیمگ ءَ چہ کمک ءُ چار ءُ گزار کنگ ءِ پد ءَ شگر ءُ منت وار ی گراں کہ دوئیں ملک آنی بے کساسیں یکوئیءُ کمک شریکدار ءُ دوست انت۔ دوئیں ملک آں ھمک سکیں سھت ءَ یک ءِ دومیگ ءِ گوما یکوئی کتگ۔ چین ءِ وزارت ءِ درئی کار ءِ ترجمان ژائولی جیانگ ءَ ھمروچگیں بریفنگ ءِ ساھت ءَ گوشت کہ چین ءِ صوبہ ہنان ءَ سیلاپ ءِ آماچ بوتگین آنی واستہ پاکستانی حکومت ءُ الس ءِ نیمگ ءَ چہ ڈکھ ، اپسوزی ءُ کمک ءِ جوزگ آنی درشان ءِ پد ءَ شگر ءُ منتواری آں۔ آئی ءَ گوشت کہ ما بے دروریں کمک ءُ شریکداری ءُ گواچنی دوستی آں مُدام سکیں ساھت ءَ یک ءِ دومیگ ءِ گوما ھمگام ءَ اوشتاتگ آں ءُ یک ءِ دومیگ ءِ کمک ءَ کناں۔ چین ءِ سفارتی یکوئی ءِ 70 سال ءِ ساھت ءَ سرجم بوتگ انت۔ ھندی ایمرجنسی مینجمنٹ بیورو ءِ رد ءَ چین ءِ صوبہ ہنان ءَ ھور ءُ سیلاپ ءِ ساھت ءَ مردم آنی بیران بوھگ ءِ کساس 33 بوتگ وھدیکہ 8 مردم بیگواہ بوتگ انت۔ 16 جولائی ءَ چہ انوگ ءَ تاں سرجمیں صوبگ ءَ سک باز ھوار بوھگ ءَ چہ 30 لکھ مردم آماچ بوتگ انت۔
