لاہور۔ 15جولائی (اے پی پی) پاکستان تحریک انصاف نا سینئر مرکزی راہشون و مسکوہی بنجائی وزیر ہمایوں اخترخان پارینے کہ اوغانستان آن امریکہ نا پیش تمنگ آن پد ڈیہہ اسہ اہم ءُ دور اسے ٹی پترینگ انگ ءِ، ریاست نا غٹ اسٹیک ہولڈر آک آخبت نا پالیسی آ شرہ کننگ ءُ و اپوزیشن ءِ ہم داڑآ حوال تننگ انگ ءِ ولے اوفتا کنڈآن پیدوار پالیسی بیان تننگ نا جاگہ غا بیرہ سیاسی بیان بازی کننگ انگ ءِ، سلامتی نا ضامن ادارہ غاک ہروخت تیارءُ، و کس اسے پاکستان نا امن ءِ خراب کننگ نا موکل تفننگک۔ اوپارے کہ اوغانستان نا حالیت بروک آ کیہی دہائی تیکن ڈیہہ نا جیوپولیٹیکل نا سمت انا تعین ءِ کیک، ہنداخاطرآن پاکستان داحالیت آتیان اسل بے خبراف۔ پاکستان مدام اوغانستان اٹی امن کن مثبت کڑد اداکرینے۔ و دنیا ہم اودے امنا کرینے وخت ا س کہ دانا مقابلہ ٹی بھارت مدام امن عمل ءِ لتاڑنگ کن فنڈنگ کرینے۔ اوپارے کہ حکومت و غٹ تعلقدار ادارہ غاک اوغانستان نا حالیت آتیا اسہ پنہ غاٹو و حالیت آتیا سخت نظرتخانو، بدبختی اٹ اپوزیشن داڑآ پیدوار موقف یا پالیسی اس تننگ نا جاگہ غا اینوہم تینا سیاست ءِ چمکائفنگ اٹ لگوک ءِ۔ ساڑی آ نازرک حالیت آتے ٹی تینا ملک انا سلامتی بایدے ننا اولیت مرے ہنداخاطرآن اپوزیشن سیاست سیاست کننگ نا جاگہ غا سنجیدہ کڑد اداکے و اگہ اوفتے تون عمل نا قابل سلاہ ارے تو اوفتے حکومت نا مون آ تخر۔ اوپارے کہ انشاء اللہ ساڑی حالیت آتے ٹی پاکستان نا سلامتی نا ادارہ غاک الرٹ ءُ و نن داسخت انگا وخت آن سرسہب مرسا پیش تمنہ۔
