اسلام آباد۔ 15جولائی (اے پی پی) چین پاکستان اقتصادی راہداری نا بابت جوائنٹ ورکنگ پڑک نا دیوان جمعہ نادے آ مریک، ہراٹی سی پیک نا ارٹ میکو ریسہ کن پین ڈٹ آتا منظوری ءِ تننگک۔ سی پیک اتھارٹی نا کمامدارآتا رداٹ یک و نیم سال انا وقفہ غان مروک آ جے سی سی دیوان نا کماشی ءِ بنجائی وزیر ڈٹ بندی، شونداری، اصلاحات و خصوصی گام گیج اسد عمر و چین نا این ڈی آر سی نا چیئرمین ئسک کیرہ۔ ویڈیو لنک انا کمک اٹ مروک آ جے سی سی دیوان اٹی ہرچار آ صوبہ غاتا وزیراعلیٰ، بنجائی وزیر، سیکرٹری و چیئرمین سی پیک اتھارٹی تون اوار چندی وزارت و ڈویژن آتا بڑزکو کمامدار آک پاکستان نا کنڈآن شریک مریرہ وخت اس کہ چین نا کنڈآن چیئرمین این ڈی آر سی تون اوار ایلو بڑزکو کمامدارآک دیوان اٹی شریک مریرہ۔ وزیراعظم نا ساڑی آ دورہ گوادر و بجٹ دیوان اٹی سی پیک ڈٹ آتے کن 87ارب روپئی جتا کننگ سی پیک نا ساڑی آ حکومت نا اولیت آتے ٹی اوار مننگ نا ڈیک ءِ۔ سی پیک نا جہانی ڈٹ بیلٹ اینڈ رو انیشی ایٹو نا پائلٹ پروجیکٹ ءِ ہرا چین اٹی سنکیانگ نا شار کاشغر آن بناکرسا خنجراب پاس و چندی ایلو علاقہ غاتیان مرسا پاکستان نا سویلی کرکی شارکراچی و گوادر اسکان سرمریک دازرگزرانی و شونداری ڈٹ چین وپاکستان نا تعلقداری تے سوگو کننگ و دوستانہ کمکاری ءِ مون آ دننگ کن ہڑتوم آ ملک آتا اسیجائی مزل نا مسخت ءِ۔

متعلقہ مضامینمصنف کی طرف سے مزید