اسلام آباد۔ 15جولائی (اے پی پی) وزیراعظم عمران خان اِرادے ئی دورہ غا ازبکستان آ روانہ مسنے۔ وزیراعظم آفس نا میڈیا ونگ آن جاری بیان نا رداٹ وزیر حوالکاری و شینکاری چوہدری فواد حسین، وزیرداخلہ شیخ رشید احمد، بنجائی وزیر بحری امور علی حیدر زیدی، وزیراعظم نا سلاہکار قومی سلامتی ڈاکٹر معید یوسف و عاطف خان ئسک ہم وزیراعظم تون اوارءُ۔ وزیراعظم نا دورہ ازبکستان علاقائی و ہڑتوم آ کنڈآتا واپار، علاقائی رابطہ و سیکورٹی نا رداٹ بے کچ اہمیت تخک۔ وزیراعظم نا دورہ ٹی ہڑتوم آ ملک آتا نیام اٹ اسیجائی فائدہ غاتا چندی اہم معاہدہ و مفاہمت نا یات داشت آتیا دستخط مریک۔ دافتے ٹی مصنوعات آتا ات و در، ہڑتوم آ ملک آتا چیمبرز آف کامرس نا نیام اٹ کمکاری، واپار، تعلیم، دودوربیدگ و سیل و سوات کون آ بشخ آک اوار ءُ۔
