تاشقند۔15جولائی (اے پی پی): مزن وزیر عمران خان ازبکستان ءِ دو روچی تر ءُ تاب ءِ ھاترا چار شمبے ءَ تاشقند ءَ پج ات۔ ازبکستان ءِ مزن وزیر عبدالللہ عارفوف ءَ تاشقند ایئر پورٹ ءِ سر ءَ آئی ءَ را وش اتک کت۔ بنجاھی وزیر اھوالکاری ءُ شنگ کاری چوہدری فواد حسین ، وزیر ءِ تہی کار شیخ رشید احمد، بنجاھی وزیر برائے زرئی کار علی حیدر زیدی، مزن وزیر ءِ مشیر برائے راجی سلامتی ڈاکٹر معید یوسف ءُ عاطف خان ھم مزن وزیر ءِ ھمبراہ اتنت۔ مزن وزیر ازبکستان ءِ صدر شوکت مرزا یوف ءَ گوں گند ءُ نند کت۔ گند ءُ نند ءَ تجارت، معیشت ءُ ایندگر شوبگ آںی تہ ءَ کمک ءِ ھولگ ءَ کار آنی سر ءَ ھیال ریچی ھم کنگ بیت۔ مزن وزیرر ءِ ازبکستان ءِ تر ءُ تاب ءَ دمگی ءُ دو نیمگی تجارت، دمگی روگ ءُ آیگ ءُ سیکورٹی ءِ رد ءَ سکیں ارزشت دار انت۔ مزن وزیر ءِ تر ءُ تاب ءِ ساھت ءَ دوئیں ملک آںی نیام ءَ یکجائی سیت آنی جتا جتائیں ارزشتی ایں منوگر ءُ تپاک نامہ آنی سر ءَ یاتگیریں دست چنگل جنگ بیت۔ اے چیز آنی بر ءُ آر، دوئیں ملک آنی چیمبرز آف کارمرس ءِ نیام ءَ کمک، تجارت، وانگ ءُ زانگ، دود ءُ ربیدگ ءُ سیل ءُ سواد وڑیں شوبگ ھوار انت۔
