اسلام آباد۔15جولائی (اے پی پی): وزیر ءِ درئی کار مخدوم شاہ محمود قریشی ءَ گوشت کہ دلی ءِ گوما سول ءُ تران سری نگر ءَ چہ روت انت۔ پنچ شمبے ءِ رو چ ءَ وتی یک بیانے ءِ تہ ءَ وزریر ءِ درئی کار ءَ گوشت کہ اگاں بھارت ءِ ھمے رویہ بوت گڈا کشمیر ءِ ھوالگ ءَ اچ رنگیں سول ءُ تران چتور بوت کن اَنت۔ اوگانستان ءِ ھوالگ ءَ شاہ محمود قریشی ءَ گوشت کہ پاکستان ، اوگانستان ءَ ایمنی ءِ برجائی ءِ واستہ گیشاں چہ گیش کرد پیلو کنگ ءَ انت، پاکستان زوتاں اوگان سروکی ءِ گوما اسلام آباد آیگ ءِ دعوت دیگ ءَ انت تانکہ ما یکجائی ءَ بہ ننداں اوگان ایمنی کار ءَ را دیمروئی دات بکن آں۔ شاہ محمود قریشی ءَ گوشت کہ پاکستان ءِ کرد سلاھ کنوک ایگ انت اوگانستان ءَ ایمنی ءِ واستہ بنیاتی زمہ واتی اوگان آنی انت۔ وزیر ءِ درئی کار ءَ گوشت کہ مزن وزیر عمران خان ءِ اوگان صدر اشرف غنی ءِ گوما گند ءُ نند باندات ءَ تاں امیت کنگ بوھگ انت۔ ازبکستان ءِ صڈر ءَ کنیکٹویٹی کانفرنس ءَ مزن وزیر عمران خان ءُ اوگان صدر اشرف غنی ءَ را دلگوش کتگ۔ آئی ءَ گوشت کہ ازبکستان ءِ گوما سئے ارزشتی ایں منوگر بوھگی انت، مارا یک لیگل فریم ورک پجاری بیت ءُ ھما آسراتی کہ پیسر ءَ نہ رستگ انت ھما دستیاب بنت انت۔ اے منوگری آنی تہ ءَ پاکستان ءُ ازبکستان ءِ نیام ءَ تجارتی ءُ اقتصادی کمک آناں گیش برجم ءُ شاھیگان بنت انت۔
