اسلام آباد۔ 14جولائی (اے پی پی) وزیرخارجہ مخدوم شاہ محمود قریشی دوشنبے تاجکستان اٹی اڈ ہلوک آ شنگھائی کمکار تنظیم نا وزرائے خارجہ کونسل نا دیوان نا وخت آ چارشنبے نادے آ روسی ہم منصب سرگئی لیوروف تون اوڑدہی کرے۔ دفترخارجہ نا رداٹ گپ وتران اٹی ہڑتوم آ کنڈآتا تعلقداری، چندی بشخ آتے ٹی ہڑتوم آ کنڈآتا کمکاری ءِ مون آ دننگ تون اوار اہم علاقائی و جہانی باندات آ گپ وتران کننگا۔ شاہ محمود قریشی پارے کہ پاکستان، روس اتون ہڑتوم آ کنڈآتا تعلقداری تے خاص اہمیت ایتک۔ پاکستان، روس انا مریس مدتی و کثیر الجہتی شریداری نا خواہندار ءِ۔ ہڑتوم آ وزیرخارجہ غاتا نیام اٹ، اوغانستان نا ترندی اٹ بدل مروک حالیت آتیاسرجم گپ وتران مس۔ وزیرخارجہ پارے کہ پاکستان، اوغان سرکڑدہ غاتے ٹی، اوغان تے قبول، اوغان امن عمل نا مخ تفی ءِ برجاتخنگ کن سنبرینگوک ءِ۔ ہڑتوم آ وزیرخارجہ غاک ہڑتوم آ کنڈآتا تعلقداری تا مون آ دننگ، سلابت نا چرجوئی ءِ برجاتخنگ آ امنا کریر۔
