اسلام آباد۔ 14جولائی (اے پی پی) سینیٹ ءِ پاننگانے کہ اسلام آباد پولیس نا نفری ٹی ودکی کن 2616کارندہ بھرتی کننگک۔ چارشنبے نادے آ بڑزکو ایوان نا دیوان اٹی سینیٹر فوزیہ ارشد و ایلوباسک آتا سوج آتا ورندی ٹی وزیر مملکت پارلیمانی امور علی محمد خان پارے کہ ایگل سکواڈ نا ٹہیفنگ آن پد اسلام آباد نا زیات تر حساس ہند آتے ٹی شام انا وخت آ ہم پولیس گشت کیک۔اسلام آباد نا آبادی ودسا 20آن 25لکھ مسنے، پولیس ءِ گاڈی و ازباب آتا ہم گرج ءِ داکان بیدس نفری ہم کم ءِ، ہنداخاطرآن خواست کننگانے کہ 2616کارند پین بھرتی کننگے تانکہ امن و ایمنی ءِ برقرار تخنگ و ڈوہ انا توننگ اٹ پولیس تینا پبی کڑد ءِ ادا کننگ کے۔
