اسلام آباد۔ 14جولائی (اے پی پی) بنجائی وزیر سائنس و ٹیکنالوجی شبلی فراز پارینے کہ ننا ورناچین پاکستان ءِ مون آ دیک، یونیورسٹی نا طالب علم آتے خناٹ است کنا خوش مس، داڑے آخبت ءِ، داڑے یوتھ ءِ۔ وزیرسائنس و ٹیکنالوجی داخیال آتا درشانی ءِ چارشنبے نادے آ جہانی اسلامی یونیورسٹی نا فیکلٹی آف انجینئرنگ اینڈ ٹیکنالوجی نا کنڈآن دُوانزدہ می سالانہ اوپن ہاؤس اٹ بشخ ہلنگ نا وخت آ فیصل مسجد کیمپس اٹ انعام آتا بشخنگ نا دود آن تران کرسا کرے۔ بنجائی وزیر پارے کہ یونیورسٹی نا طالب علم آتے خناٹ است کنا خوش مس، داڑے آخبت ءِ، داڑے یوتھ ءِ۔ مسن تا غٹ آن زیات پروجیکٹ خناٹ۔ شبلی فراز پارے کہ انجینئرنگ و ٹیکنالوجی نا گچین و اہم ءُ پروجیکٹ ہُننگ کن ملا۔ننا ورناچین پاکستان ءِ مون آدیک۔ اوپارے کہ اسہ ہم ادارہ و ملک اس اسہ ہی ردھم اٹ چلینگ کپک۔ اوپارے کہ ریسرچ برائے ریسرچ آن زیات ریسرچ برائے ڈویلپمنٹ ءِ۔ انڈسٹری، حکومت و یونیورسٹی ٹی اسہ تعلق اس جوڑ کننگ کن کوشست کننگ اُن۔ شبلی فراز پارے کہ وزارت سائنس و ٹیکنالوجی نمے لیبارٹری نا کمک فراوان کیک۔ طالب علم آک وزارت سائنس نا لیبارٹری ٹی بیدس مشکل آن کاریم اٹ اتنگ کیرہ۔ وزیراعظم نا وژن نا رداٹ ہرتپہ ءِ مون آ دروئی ءِ۔
