اسلام آباد۔ 14جولائی (اے پی پی) بنجائی وزیر سائنس و ٹیکنالوجی سینیٹر شبلی فراز نا کماشی ٹی پاکستان اٹی ویکسین جوڑ کننگ نا بابت دیوان اس داڑے اڈہلک۔ داوخت آ تران کرسا بنجائی وزیر سائنس و ٹیکنالوجی پارے کہ تعلقدار کمامدار و چاہندار آتے پارینن کہ او ہندن ءُ ویکسین اس جوڑ کیر ہر اہندی کاریم اٹ اتنگ تون اوار اوار برآمد کن ہم دوئی مرے۔ سینیٹر شبلی فراز پارے کہ ننتون قابل ءُ بندغ و کمپنی ارے ولے جوزہ و سپورٹ نا گرج ءِ، کورونا نا برخلاف ملک اٹ ایس اوپی تا سرسہبی و حکومت نا حکمت عملی مچ آدنیاکن درور اسے۔ ننے آخبت کن تیار مروئی مریک۔ بنجائی وزیر سائنس وٹیکنالوجی پارے کہ حکومت پورو وڑاٹ کمک کن تیار ءِ۔ ویکسین نا ڈویلپمنٹ کن کامسٹیک ءِ پبی کڑد ادا کروئی مریک۔ اوپارے کہ چندی وزارت و اسٹیک ہولڈر آتے یکجا کرسا ون ونڈو کمیٹی نا کمک اٹ سلاہ و سوج وزیراعظم ءِ پیش کینہ، کامسٹیک غٹ اسٹیک ہولڈرآتے یکجا کننگ کن راہشونی نا کڑد ءِ ادا کے۔
