اسلام آباد۔ 13 جولائی (اے پی پی): مزن وزیر عمران خان ءَ کورونا ھوپ ءِ جاور ھال آں چہ رکھگ، مھکمیں دیمروئی کنگ ءَ ایٹماسپیئر ءِ سیم سر آنی در جنگ ءِ سئے جہتی چیلنج آں گوں گر ءُ چیل بوھگ ءِ واستہ دیمروئی کنوکیں ملک آنان جوانیں فنڈز ءِ پجاری ءِ ضلورت ءِ سر ءَ زور پر دیان ءَ گوشت کہ میاں اوستمانی معیشت اے وھد ءَ سرجمیں رنگ ءَ برجا نہ بیت تاں وھد ءِ توامیں ملک مھکمیں دیمروئی مول ءُ مراد ءُ ایٹماسپیئر ءِ در جنگ ءِ واستہ سرمایہ کاری ءِ تہ ءَ گیشی مہ بیت، دیمروئی کنوکیں ملک آں چہ گیر کانودی سرمایہ کاری ءِ ٹرانسفر ءَ را دارگ لوٹ ایت، اے ملک آنی دزئی بوتگیں میراس ءُ مڈی آناں واپس کنگ بہ بیت۔ سمارٹ لاک ڈائون ءِ پالیشی ءَ چہ مردم آنی گران بھائیں جان ءُ آوانی روزگار ءَ را رکھینتگ، ویکسینیشن گامگیج آناں ترند کنگ ءِ واستہ توامیں گامگیج کنگ بوھگ ءَ انت، گیش ھمگونگ مہ بنت، برجم ءُ وشھالیں دگنیا ءِ جوڑیشت ءِ گواستہ کشاں چیل آنی ایمنی ءَ گوں گیواری ءُ میاں اوستمانی کمک آنں دیمروئی دیگءِ ھوالگ ءَ دلگوش کنگ لوٹ ایت، اے ھیالانی درشانی آئی ءَ سئے شمبے ءَ یونائیٹڈ نیشن ءِ مزن تکی سیاسی فورم برائے مھکمیں دیمروئی ءَ گوں گشتانک دیان ءَ کت۔ مزن وزیر عمران خان ءَ گوشت کہ اے مزن تکی سیاسی فورم بنی آدمی تاریخ ءِ یک نازرکیں موہے ءَ برجم بوھگ ءَ انت وھد ءِ دگنیا کوویڈ ءِ ھوپ، معاشی دیمروئی ءِ سبب ءَ رکھینگ ءُ ھوپ ءِ سئے مزنیں جیڈھ آنی گوما دیم پہ دیم انت، آئی ءَ گوشت کہ اے رد ءَ یونائیٹڈ نیشن ءِ سیکرٹری جنرل ءُ میاں اوستمانی ادارگ ءِ سسٹم ءَ کمک ءُ برجائی ءِ کوشست ءِ ھوالگ ءَ آئی ءِ جوانیں کرد ءَ را ساڑات۔
