اسلام آباد۔13جولائی (اے پی پی):صدر مملکت ڈاکٹر عارف علوی ءَ پاکستان ءُ بوسنیا ءِ یکوئی آنی ارزشت ءَ را سہرا کنان ءَ گوشت کہ پاکستان وت مہ وتی واھگی کار آنی توامیں شوبگ آنی بوسنیا ءِ گوما کمک آناں دیمروئی دیگ لوٹ ایت، دوئیں ملک آناں گیش نزیک آرگ ءِ واستہ معیشت، تجارت، دود ءُ ربیدگ ءُ سیل ءُ سواد ءِ شوبگ ءَ دو نیمگی یکوئی آناں گہتر کنگ ءِ ھوالگ ءَ دلگوشی دیگ بہ بیت۔ آ بوسنیا ءُ ہرزیگووینا ءَ پاکستان ءِ نامینتگیں سفیر میجر جنرل (ر) اختر جمیل رائو ءَ گوں تران کنگ ءَ ات آءی ءَ سئے شمبے ءَ ادا ایوان ءِ صدر ءَ آئی ءَ گوں گند ءُ نند کت۔ صدر ءِ مملکت ءَ گوشت کہ پاکستان بوسنیا ءِ گوما وتی یکوئی آناں ھاسیں ارزشت دنت ءُ وت مہ وتی واھگی کار آنی توامیں شوبگ آنی تہ ءَ کمک آناں گیش دیمروئی دیگ لوٹ ایت۔ آءی ءَ گوشت کہ دوئیں ملک آناں گیش نزیک آرگ ءِ واستہ معیشت ، تجارت ، دود ءُ ربیدگ ءُ سیل ءُ سواد ءِ شوبگ ءَ وت مہ وتی آناں گہتر کنگ ءِ ضلورت انت، نامینتگیں سفیر بوسنیا ءُ ہرزیگوینا ءِ گوما استیں معاشی یکوئی آناں گیش گہتر جوڑ کنگ ءِ واستہ کار بکن انت۔ صدر ءِ مملکت ءَ نامینتگیں سفیر بوسنیا ءُ ہرزیگوینا ءِ گوما استیں معاشی یکوئی آناں گیش گہتر جوڑ کنگ ءِ واستہ کار بکن انت۔ صدر ءِ مملکت ءَ نامیتگیں سفیر ءَ را پنت ءُ شون کت کہ آ پاکستانی کمیونٹی ءِ گہبود ءِ واستہ ھم کار بکن انت، امیت انت کہ نامینتگیں سفیر دوئیں ملک آنی نیام ءَ یکوئی آناں گیش برجم جوڑ کنگ ءِ واستہ ازمکاری ءُ جوانی ءَ گوں کار کن اَنت۔ صدر عارف علوی ءَ نامینتگیں سفیر ءَ را بوسنیا ءَ پوسٹ بوھگ ءِ پد ءَ مبارک بات پیش کت ءُ آئی ءِ کامیاتی ءِ واستہ نیکیں واھشت آنی درشان ھم کت۔
