اسلام آباد۔13جولائی (اے پی پی): وزیر ءِ تہی کار شیخ رشید احمد ءَ ضلع کرم ءِ دمگ زیوا ءَ سیکورٹی آپریشن ءِ ساھت ءَ پاک اُرد ءِ یک اپسرگ ءُ یک ورنائے شہید بوھگ ءِ واکیہ ءِ پد ءَ ڈکھ ءُ اپسوزی ءِ درشان کتگ۔ سئے شمبے ءَ وزارت ءِ تہی کار ءِ نیمگ ءَ جاڑی بوتگیں بیان ءِ رد ءَ وزیر ءَ تہی کار شیخ رشید احمد ءَ وطن ءِ ھاترا وتی جان آنی قربانی کنوکیں کیپٹن باسط ءُ سپائی حضرت بلال ءَ را توسیپ ءُ ستا پیش کت ءُ گوشت کہ ناشرکاری آنی لگوریں کاروائی ءَ چہ سیکورٹی فورس آنی ھوسلہ ءَ را ڈگار ءَ جت نہ کنت۔ آئی ءَ گوشت کہ پاکستان ءِ سرڈگار ءِ گڈی ناشرکاری ءِ استی ءَ چہ سیکورٹی آپریشن جاڑی بیت۔ آئی ءَ گوشت کہ وطن ءِ ھاترا سرجمیں راج قربانی ءِ واستہ ھمک ساھت تیار انت۔
