اسلام آباد۔ 13جولائی (اے پی پی) وزیراعظم عمران خان یوم شہدائے کشمیرنا وخت آ 13جولائی 1931ء آ ڈوگرہ مہاراجہ نا فوج انا کنڈآن پرامن مچی کروک آتیا سم کاری ٹی شہید مروک آ 22شہید آتے خراج عقیدت پیش کرینے۔ سے شنبے نادے آ تینا ٹویٹ اٹی وزیراعظم عمران خان پارے کہ نن کشمیری تتون سلوک اُن وبھارت نا غیر کانودی کوزہ گیری و ظلم انا برخلاف کشمیری الس نا جہد، مزاحمت و قربانی تا تاریخ اٹ نوشت ءِ۔ وزیراعظم پارے کہ کشمیری الس نا مزاحمت نا جوزہ ءِ شکست تننگ مفک، او بھارت نا جور و غیرکانودی کوزہ گیری نا برخلاف صف آرائئُ، وزیراعظم پارے کہ پاکستان کشمیری تا جہد اٹی اوفتے تون تفوک ءِ و او اقوام متحدہ نا قرارداد آتا رداٹ کشمیری الس ءِ اوفتا حق خودارادیت ملنگ اسکان ہچ وڑنا سمجھوتہ کپک۔
