اسلام آباد۔ 13جولائی (اے پی پی) صدر مملکت ڈاکٹر عارف علوی پارینے کہ کشمیرنا آجوئی نادے مراف، نن دادے ءِ ضرور خننہ۔ غیرکانودی بھارتی کوزہ نا برخلاف کشمیری الس نا جہد ساف و بے مٹ ءِ۔ سے شنبے نادے آ یوم شہداکشمیر نا وخت آ راجی رابطہ نا ویب سائٹ آ تینا کلہو اٹی صدر مملکت ڈاکٹر عارف علوی پارے کہ ای یوم شہداکشمیر آ تینا کشمیری ایلم وایڑھ تے سلام پیش کیوہ، 13جولائی 1931نا شہید آتا روح ءِ اوفتا جانشین زندہ تخانو، جہانی برادری نا امنا کروک خودارادیت نا خواست ءِ کننگ ءُ، اوپارے کہ کشمیرنا نرزور آتا آجوئی کن جہد داسہ ہم برجاءِ، کشمیری الس نا غیرکانودی بھارتی کوزہ نا برخلاف جنگ ساف و بے لوث ءِ، اوپارے کہ پاکستان کشمیری تا آجوئی اسکان سفارتی، سیاسی و کانودی کمک فراوان کرساکیک۔ آجوئی نا دے مر اف، ان شاء اللہ نن ضرور دادے ءِ خننہ۔
