اسلام آباد۔ 13جولائی (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ خاہوت نا ڈٹ بندی کننگ نا وخت آ تینا وسیلہ غاتے مون آ تخر و داگڑاٹی توازن تخر کہ نن تینا چناتا ولشت و تعلیم و تربیت ءِ امر کننگ کینہ۔ جہانی یوم آبادی نا چرجوئی ٹی اڈ تروک آ ہفتہ نا بابت جاری تینا بیان اٹی وزیراعظم نا خصوصی کمکار پارے کہ اولیاد نا خواہش ہر اَرے زائیفہ نا حق ءِ ولے داہم اہم ءِ کہ خاہوت نا ڈٹ بندی کننگ نا وخت آ تینا وسیلہ غاتے مون آ تخر و داگڑاٹی توازن تخر کہ نن تینا چناتا ولشت و تعلیم و تربیت ءِ امر کننگ کینہ و دادے گچین وڑاٹ امر سرایتنہ ہنداخاطرآن داحالیت اٹ توازن ءِ برجاتخنگ کن داہیت آ چکار کننگ بھاز اہم ءِ کہ نن تینا چناتے پاکستان نا گچین شاری جوڑ کننگ کن انت آسراتی تننگ کینہ۔ یات سلے کہ وزارت جان جوڑی نا کنڈآن جہانی یوم آبادی نا ہفتہ 11آن 15جولائی اسکان اڈتننگ انگ ءِ۔
