اسلام آباد۔ 13جولائی (اے پی پی) بنجائی وزیر حوالکاری و شینکاری چوہدری فواد حسین 13جولائی 1931ء آ کشمیرنا شہید آتے خراج عقیدت پیش کرسا پارینے کہ قرآن نا عزت و حرمت و جور انا برخلاف کلمہ حق پاروک آ شہید آتے سلام پیش کینہ۔ سے شنبے نادے آ تینا ٹویٹ اٹی اوپارے کہ 13جولائی 1931ء آ کشمیری تے داخاطرآن شہید کننگاکہ اوفک جابر حکمران تا مون آحق انا کلمہ ءِ پاریسر۔ بنجائی وزیر حوالکاری پارے کہ دادے جموں و کشمیر نا الس نا بے مٹ نرزوری نا یات ءِ ترفک۔
