فارورڈ کہوٹہ۔ 13جولائی (اے پی پی) بنجائی وزیر مواصلات و پوسٹل سروسز مراد سعید پارینے کہ آزاد کشمیر نا گچین کاری تیٹی پاکستان تحریک انصاف بھلو گیشتری اسے اٹ سرسہبی دوئی کیک، وزیراعظم عمران خان کشمیری تا حقی سفیر ءِ ہراجہانی کہول آ پبی وڑاٹ کشمیری تا مقدمہ تون مون تس۔ سے شنبے نادے آ فارورڈ کہوٹہ ٹی السی مچی آن تران کرسا اوپارے کہ کنے داجاگہ نا ورناک پارینو کہ داڑے اسہ پرچی اس چست کروک اُس بسوسس و بھلو بھلو ہیت کریکہ، وزیراعظم عمران خان امریکہ نا خن تیٹی خن تے خلسا اودے ہکل تس و اڈہ تننگ آن انکار کرے تو بروک آ دے ہی پرچی والا تینا سی وی ءِ چست کرسا امریکہ غا سرمس کہ ننے خذمت نا موقع ایتے۔ اوپارے کہ وزیراعظم عمران خان کشمیرنا سفیر مس و کشمیری تا پبی ترجمانی ءِ کرے و جہانی کہول آ کشمیرنا مقدمہ تون مون تس۔ اوپارے کہ 469ڈرون جلہو اوفتا دور حکومت اٹ مس، اونا باوہ آصف زرداری نا دور حکومت اٹ کشمیرآ ہیت کننگتو و نئے کشمیرنا مقدمہ تون مون تننگا وخت اس کہ وزیراعظم عمران خان کشمیرنا مقدمہ تون گچین وڑاٹ مون تس۔ غٹ ءِ سماءِ کہ کس اس ہم کشمیرکاز ءِ داوڑاٹ تالان کتو ہراوڑ عمران خان کرینے۔ اوراجہ فاروق حیدر ءِ مخاطب کرسا پارے کہ ای آزاد کشمیرآ بسونٹ پگہ آخا ایلودے ناحلقہ غاہم بریوہ۔ اوپارے کہ مسکوہی وزیراعظم نواز شریف تینا نواسی نا برام آ مودی ءِ بٹنگاسس۔ اومودی نا سوغندی دود اٹ بشخ ہلنگ نا وخت آ کشمیری حریت راہشون آتون اوڑدہی نا جاگہ غا بھارتی اداکارآتون ملنگ ءِ پسند کرے۔
