اسلام آباد۔ 13جولائی (اے پی پی) چیئرمین سینیٹ محمد صادق سنجرانی پارینے کہ بھارتی کوزہ نا برخلاف کشمیری تا جہد ءِ سلام پیش کینہ، بھارت نا غیر کانودی کوزہ نا چٹفنگ نا دے مراف، پاکستان مدام کشمیری تا حق خودارادیت نا مخ تفی ءِ کرینے، کشمیری تا قربانیک زیان مفسہ۔ داخیال آتا درشانی ءِ او سے شنبے نادے آ یوم شہدائے کشمیرنا وخت آ تینا کلہو اٹی کرے۔ چیئرمین سینیٹ پارے کہ کشمیرنا شہید آتا بے مٹ قربانی تے خراج عقیدت پیش کیوہ۔ بھارتی کوزہ نا برخلاف کشمیری تا جہد ءِ سلام پیش کینہ۔ اوپارے کہ بھارت جموں و کشمیر آ غیرکانودی و ظالمانہ کوزہ کرینے۔ شہدائے 13جولائی 1931ء اینو نا تحریک آجوئی نا باوہ و پیرہ ئسر۔ صادق سنجرانی پارے کہ آجوئی نا خاطر کشمیریک نسل درنسل قربانی تننگ ءُ۔ اوپارے کہ کشمیریک ہندوتوا حکومت نا اونا شناخت نا چٹفنگ نا سازش نا برخلاف جہد کننگ ءُ۔ پاکستان مدام کشمیری تا حق خودارادیت نا مخ تفی ءِ کرینے۔ مقبوضہ کشمیرنا آجوئی اسکان تحریک آجوئی نا مخ تفی ءِ برجاتخنہ۔ بھارت نا غیر کانودی کوزہ نا چٹفنگ نا دے مراف۔ اوپارے کہ کشمیرنا شہیدآک حق خودارادیت نا جہد ءِ تازہ کریر۔ کشمیری تا قربانیک زیان مفسہ۔ پاکستان کشمیری تے اسُل تنیا الیپک۔
