کوئٹہ۔ 13جولائی (اے پی پی) گورنر بلوچستان سید ظہور احمد آغاپارینے کہ زرگزرانی و سیاسی سوگوی کن پائیدار امن بنداوی شڑت ءِ، ملک و صوبہ ٹی پائیدار امن نا بابت غٹ کانود نافذ کروک آ ادارہ غاتا خذمت و قربانی ستاکڑزک، داہیت ءِ او سے شنبے نادے آ گورنر ہاؤس کوئٹہ ٹی انسپکٹر جنرل پولیس بلوچستان محمد طاہر رائے تون اوڑدہی ٹی گپ وتران کرسا کرے۔ داوخت آ گورنر بلوچستان پارے کہ الس نا جان و مال انا رکھ حکومت نا اولی زمواری ءِ ہرادے ہرحال اٹ پک کروئی مریک داڑکن ساڑی حکومت محکمہ پولیس ءِ پوسکن آ وڑوڈول آتیا اتنگ و پولیس نظام اٹ گچینی کن سنبرینگوک ءِ، اوپارے کہ حکومت و الس نا اسیجائی کوشست آتے اٹ کسبی ڈوہدار آتا برخلاف جنگ اٹ پورو سرسہبی دوئی کننگ مریک۔ داکان مست پندار گورنر بلوچستان سید ظہور احمد آغا ءِ آئی جی پولیس محمد طاہر رائے تینا منصب ءِ سنبھالنگ آ مبارکبادی تس۔
